الرئيسيةس .و .جبحـثالتسجيلالأعضاءالمجموعاتدخول

شاطر | 
 

 السجل المدنى بتاع المنتدى ...أقف فى الطابور ياأستاذ

اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
abdelrahman_eldeeb
عضو مميز
عضو مميز
avatar

ذكر عدد الرسائل : 502
العمر : 29
تاريخ التسجيل : 19/11/2007

مُساهمةموضوع: السجل المدنى بتاع المنتدى ...أقف فى الطابور ياأستاذ   السبت ديسمبر 01, 2007 1:30 am

الموضوع ده ان شاء الله هيبقى من المواضيع اللذيذة فى المنتدى , كل عضو هيكتب بطاقة تعريف له , ويكتب لنا فيها شوية معلومات حلوة كده يعنى اسمه , سنه , ايه أكلته المفضلة , مين قدوته فى الحياة , ايه هى هواياته , ايه هدفه فى الحياة , مين أكتر دكتور حبه , ومين أكتر دكتور حبه برضه-بلاش تهور-.... , وشوية معلومات كده يعنى, وكل واحد وكرمه بقى, ولرفع الاحراج الموضوع ده هيبقى اختيارى جدا جدا , مستنى التفاعل , هلم بنا ياقوم .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.3abdelra7man.blogspot.com
adel_rehab
عضو نجم
عضو نجم
avatar

ذكر عدد الرسائل : 115
العمر : 30
تاريخ التسجيل : 22/11/2007

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   السبت ديسمبر 01, 2007 12:53 pm

الاسم عادل
السن 19
الاكلة المفضلة اي حاجة تتاكل مش مهم ايه هي طالما بتشبع
قدوتي في الحياة بعيدا عن الدين انا قدوتي د مجدي يعقوب
هواياتي الكمبيوتر والا نترنت ثم الباسكت
هدفي في الحياة اني اصبح طبيب عالمي يجدد في المجال الي انا فيه
اكتر دكتور حبيته0000000000000000
اكتر الالوان اللي باحبها الرصاصي و السيلفر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
adel_rehab
عضو نجم
عضو نجم
avatar

ذكر عدد الرسائل : 115
العمر : 30
تاريخ التسجيل : 22/11/2007

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   السبت ديسمبر 01, 2007 12:54 pm

علي فكرة انا مستني مشاركتك يا عبد الرحمن ولا انت مكسوف Embarassed
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
abdelrahman_eldeeb
عضو مميز
عضو مميز
avatar

ذكر عدد الرسائل : 502
العمر : 29
تاريخ التسجيل : 19/11/2007

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   السبت ديسمبر 01, 2007 3:30 pm

adel_rehab كتب:
علي فكرة انا مستني مشاركتك يا عبد الرحمن ولا انت مكسوف Embarassed
ماشى يالماضة , هكتب مشاركتى حالا , بس أنا عايز أسالك سؤال , هو انت منزل مشاركتك اللى فوق دى عشان تعرفنا على نفسك , ولا عشان تعمينا , ياعم كبر الخط شوية , وغير اللون الرهيب اللى انت حطه ده , بجد ذوقك ماحصلش , هههههههههههه .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.3abdelra7man.blogspot.com
abdelrahman_eldeeb
عضو مميز
عضو مميز
avatar

ذكر عدد الرسائل : 502
العمر : 29
تاريخ التسجيل : 19/11/2007

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   السبت ديسمبر 01, 2007 4:45 pm

السلام عليكم
الاسم : عبدالرحمن خالد محمد الديب
السن :18 سنة و 10 شهور وبلاش احراج يعنى اعتبروها 19 سنة
الوالد : طبيب عيون
الوالدة :ربة منزل
الاخوات :عندى 3 اخوات كلهم صبيان – خمسة وخميسة –
محمد ---- فى رابعة طب
عمر--- تالتة ثانوى
عمرو--- خامسة ابتدائى
الاكلة المفضلة : الموضوع ده عاملى أزمة كبيرة ليه بقى , لان الحاجة ربنا يبارك فيها ويخليهالنا , طباخة ماحصلتش , يعنى الاكل بتاعها يجنن , فعشان كده كل المحاولات اللى عملتها عشان أخس باءت بالفشل الذريع جدا , يعنى أنا مثلا هقول انى هبدأ ريجيم النهاردة , وأموت نفسى بقى , ماباكلش حاجة خالص , ألاقى تانى يوم مثلا ماما عاملة صينية مكرونة باشاميل , ياخراااااااااااااابى , بجد أوعى , أقوم أنا قايل بقى يتحرق الريجيم باللى عايز يعمله , وأخدلى غطس فى الصينية , واتعامل بقى , فربنا يسهل كده وتحصل معجزة وأعرف أسيطر على نفسى , هحاول ان شاء الله , انا بقول الكلام ده كله عشان أعرفكم , ان موضوع الاكلة المفضلة ده صعب أعرفه , لان الاكل كله مفضل , فانا هجتهد وأقولكم ان أكتر حاجة بحبها , المكرونة العادية اللى بالصلصة , والمكرونة البشاميل , الحمام المحشى رز , والكشرى ..... وكفاية كده لانى جعت جدا , حرام عليكو والله
بس أنا ممكن أقولكم ايه الاكلة اللى مابحبهاش : القرنبيط ...... وطالما قلت القرنبيط يبقى انا شبعت الحمد لله .ههههههه . فى أكلة تانية اللى هى السمك , انا كنت بحبها فى الاول أو بمعنى أصح مابكرهاش لكن لما ماما من خلال الاطلاع والقراية وبرامج الاكل الصحية -الله ياخدها -اللى بتيجى على التليفزيون , ماما قررت ان يبقى فيه يومين على الاقل فى الاسبوع سمك , فتخيلوا بقى أبقى أنا راجع من طنطا كده وبعد يوم فظيع فى الكلية الاقى ماما طالبانا سمك من المطعم , أقوم أنا لاوى بوزى بقى بس من غير ماحد ياخد باله طبعا , وأقعد آكل غصب عنى والا هاكل جبنة بقى , المهم انا أنا كرهت السمك وكرهت القراية والكتب اللى بتعرف الناس الكلام المؤذى ده .
قدوتى فى الحياة : زى مانهال قالت فى قدوة كبيرة فى الحياة اللى هو المربع الكبير , وهو سيدنا محمد صلى الله عليه وسلم ولانى مابحبش أقول حاجة انا مش مقتنع بيها أو انا مش مؤمن بيها , قرأت كتب فى السيرة عشان أعرف أكتر عن سيدنا محمد , وأنا حاليا بقرأ فى كتاب فقه السيرة للشيخ محمد الغزالى , وعلى وشك انى أخلصه . حبيت سيدنا محمد جدا جدا جدا لانه فعلا أفضل خلق الله وفى مواقف كتير قرأتها فى السيرة تخليك غصب عنك تحبه حتى لو انت مش مسلم , فربنا يجمعنى بيه يارب على الحوض ويجمعنى بيه فى الفردوس الاعلى ويعيننى على انى أطبق سنته فى الدنيا , اللهم آمين
اما بالنسبة للمربعات الصغيرة ف:
- كطبيب أسنان : قدوتى د/عبدالفتاح صدقة طبعا كطبيب أسنان بس , يعنى ماليش دعوة بحوارات رئاسة الجامعة والكلام اللى مالوش لزمة ده , لان فعلا دكتور عبدالفتاح كطبيب أسنان يعتبر أفضل جراح فى مصر حاليا , وهو مثال للطبيب المتميز فعشان كده أنا بعتبره قدوته , وخصوصا انه يبقى صاحب والدى . ههههه
- كداعية الى الله : طبعا وبلا تردد الامام حسن البنا رحمه الله , وللاسف الشديد ان المصريين فيهم داء انهم بيهاجموا أى حد وفى أى وقت من غير مايبقوا عارفين أى حاجة عنه أصلا , واللى هيقرأ سيرة الامام البنا رحمه الله هيعرف ان الراجل ده فعلا نموذج للداعية المسلم اللى عايز يكون سبب فى عزة دينه , وبغض النظر عن الاخوان والكلام الكتير اللى الناس بتتهمهم بيه , الا ان انا مالاقيتش حد بيفهم قال على الامام البنا أى كلمة وحشة .
أما فى زماننا دلوقتى : ففى 4 دعاة لفتوا انتباهى جامد , وبتابعلهم معظم حاجاتهم , منهم واحد بعتبره قدوة , و3 بعتبرهم نموذج للداعية المتميز بس مش قدوة لان كلمة قدوة دى كبيرة أوى
أ/ عمرو خالد --- ده القدوة
مصطفى حسنى
معز مسعود
أحمد الشقيرى
- كأديب أو شاعر : فيه كذا واحد زى , أحمد مطر , مصطفى صادق الرافعى , الأصمعى .. وبمناسبة الاصمعى , فأنا حاطط لنفسى تارجت لو حققته هعرف ساعتها ان أنا تمكنت من الشعر وهو انى أعمل قصيدة معارضة لقصيدة الاصمعى "صوت صفير البلبل "

الهوايات:
بحب القراية جدا , بحب ألعب كرة القدم , بعشق منتدى أ/عمرو خالد , وبعتبره بيتى التانى , بحب الاناشيد الاسلامية جدا , وخصوصا ان الحمد لله عندنا كمية من الاناشيد الاسلامية اللى مش عند ناس كتير ومستواها الفنى أفضل بكتير من الاغانى التعبانة , بحب ألعب تنس طاولة بس بقالى كتير مالعبتش

هدفى فى الحياة :
هدفى الكبير , انى عايز أكون أحد أسباب عزة الاسلام بصفة عامة , وتقدم مصر بصفة خاصة , وانا عايش للهدف ده وكل حاجة بعملها بتبقى وسيلة بحاول أوصل بيها لتحقيق الهدف , وانا متفائل جدا جدا جدا .

أكتر دكتور بحبه :
فى الاساتذة / د. منال الابيارى
فى المعيدين / د. سامى (ماتيريال), د.سيد (استعاضة ) , د.دعاء طعيمة (مورفولوجى) , د.داليا ( اوبرتيف)


كفاية عليكو أوى كده , وانا ان شاء الله كل فترة كده هنزل معلومة جديدة
صدعتكو انا عارف , بس بينى وبينكم أنا حاسس براحة نفسية دلوقتى بعد ماقلت الكلام ده كله , مش عارف ليه , يلا سيبونى بقى أخش أذاكر باثولوجى , دعواتكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.3abdelra7man.blogspot.com
النجمة الصامدة
المدير العام
avatar

انثى عدد الرسائل : 242
تاريخ التسجيل : 27/11/2007

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   السبت ديسمبر 01, 2007 4:56 pm

ماشاء الله ماشاء الله

موضوع لذيذ فعلا .. بس سجل مدني ايه اللي فيه الالوان والاكل والدكاترة ده !!!!!

scratch

ما علينا نخوووووووووش في المودوع >> ايوة بالدال مش بالضاد Razz

...

الاسم : جهاد خالد
السن : 19
النوع : 6 سلندر lol!
الالوان المفضلة : الازرق بجميع درجاته وبحب الاسود في العربيات واللبس
وعامة بحب كل الالوان مفيش لون بكرهه غير اللون اللي دكتور عادل كاتب بيه ده نياهاهاهاها Twisted Evil
الاكلات المفضلة : عامة انا بحب العصاير اكتر من الاكل بس الاكل المفضل الاكل الايطالي يعني اي مكرونات وجبن انا معاكم cheers
وبحب الجمبري جدا بردو
اكتر دكتور حبيته : د. مأمون ، د. سحر ، د.آمال بتاعة الاناتومي السنة اللي فاتت ، د. خيري بتاع الانجليزي
اكتر مواد حبيتها : السنة دي انا بحب كل مواد اسنان الحمد لله بس مواد طب لا لا لا لا Crying or Very sad

نخووووووش بقى في التقيل

هدفي في الحياة
الغاية : الجنة
الرؤية : أن أسهم في تقدم الحضارة الاسلامية

الاهداف بقى : 1- أكون أديبة مسلمة وقدوتي في المجال ده (الرائع) أديب الاسلام والعربية الاستاذ مصطفى صادق الرافعي والاديب الطبيب دكتور نجيب الكيلاني
2- أكون طبيبة أسنان متميزة في مجالي
3- أكون داعية

قدوتي في الحياة .. طبعا خير الخلق محمد على رأس القائمة
ثم.. أنا من النوع اللي بحب آخد من كل شخصية ما يميزها
لكن حتى الآن لم أجد الشخصية اللي اقدر اقول انها شبه متكاملة وعايزة ابقى زيها في كل حاجة


هواياتي ... يووووووووووه كتييييييييير هو موديني في داهية غير هواياتي Rolling Eyes

شوفوا ..

1- وقبل كل شيء الكتاااااااااااااااااااااااااااااااابة
2- القراءة
3- الرسم والاعمال الفنية عامة
4- التصميم
5- الغناء والتمثيل >>> اسلامي طبعا محدش مخه يروح لبعيد
6- بحب اسمع اي لحن جميل وصوت طربي اصيل مش الهجص الموجود دلوقتي ده
كمان بحب اسمع موسيقى جدا بس موسيقى هادية واكتر الة بحبها القانون
7- للافس معنديش هوايات رياضية كان نفسي اتعلم كونغفو وسباحة بس ظروفي كبنت منعتني
فالله يكرمكم الله يعرف مدربة ست بتدرب الحاجات دي يقولي Sad


في ايه كمان

بحب الطبيعة جدا وبالذات البحر والقمر

ناس يقولو عليا رومانسية وناس يقولو شعنونة ، ناس بيقولو اني عقلانية وعايشة دور الحكيم وناس يقولو اني مرحة ومش راكزة
فيبدو والله اعلم ان انا full option Cool

متهيالي كفاية كده زهقتوا

اشوفكم على خير

سلام

flower
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.somood.blogspot.com
أنا البحر
عضو نجم
عضو نجم
avatar

انثى عدد الرسائل : 156
العمر : 30
تاريخ التسجيل : 29/11/2007

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   الأربعاء ديسمبر 05, 2007 12:45 am

سلام عليكم
ازيكم يا شباب اخباركم ايه؟ان شاء الله تكونو بخير
انا جيت وزى بعضه هشارك فى الموضوع ده اللى بشكر الدكتور عبد الرحمن عليه
اولا الاسم:أنا البحر
السن:19
هواياتى:قراءة القران والكتابه وقراءة كتب الفلسفه والدين
اهتماماتى بالترتيب:الله /الرسول /الاسره الكريمه / صاحباتى/ انا/ الدراسه /
اكتر دكتور بحترمه/الدكتور محمد الشناوى طبعا (محترم /مريح/مش حاطط راسه براسنا ))ء
اكتر دكتوره بحبها/الدكتوره ثريا من الاساتذه والدكتوره راندا من المعيدين
بقدوتى:الدكتور محمد الشناوى برضه والدكتوره راندا (بحبهاااااااااااااااا)ء
هدفى فى الحياه :حاليا كل هدفى انى اخلص من الكليه دى واللى جاى بقى مقدور عليه
الاكله المفضله:كله حلو بس انا بحب الكبسه
ومن الفواكه الموالح منها
المشروب المفضل:ديو
اللون المفضل:الموف والسماوى
الماده المفضله:الاندوالسنه دى والمورفولوجى السنه اللى فاتت وبحب عملى الاستعاضه احيانا
اكتر الصفات اللى بحبها: الشفافيه والبساطه والثقه فى النفس
اكتر الصفات اللى مش بحبها:الغيبه والنميمه وسوء الظن والاهمال
ده السى فى بتاعى وكل اللى اعرفه عن نفسى (اوعو تقولو لحد)ء
thnxxxxxxxxxxxxx


عدل سابقا من قبل في الأربعاء ديسمبر 12, 2007 10:40 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
DR.SMART
عضو جديد
عضو جديد
avatar

انثى عدد الرسائل : 13
العمر : 30
تاريخ التسجيل : 09/12/2007

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   الإثنين ديسمبر 10, 2007 7:23 pm

الأول و قبل الرغي لازم أشكر د. عبدالرحمن على عنوان الموضوع .. عاجبني قوي الصراحة ..

الاسم : سمر عبدالكريم ..

السن : 19 سنة و 8 شهور ..

الأكلة المفضلة : كتييييير .. محشي ورق عنب .. الكشري .. المشويات .. الكبسة .. المقلوبة ( و دي أكلة سورية حلوة اوي هابقى اقولكوا بتتعمل ازاي ) ..الحلويات باموووت فيها طبعا .... كفاية كدا ..

هواياتي : القراءة ..
باكتب حاجات عبيطة محدش بيقراها غيري ..
النت ..

هدفي في الحياة : إني أكون طبيبة شاطرة ..
أشارك في تحقيق نهضة صحية في بلدي ..
نفسي يا جماعة أمسك وزارة التربية و التعليم ... Sad ( و دا سر خطير جدا باقوله للمرة الأولى بعد الألف التالتة Suspect ) ..
بجد أنا باحب التدريس جدا جدا ..
هتقولولي طيب و هو الوزير بيشرح ..؟؟
هاقولكم لأ .. ما أهو أنا عندي خطط تربوية ( هابقى أحكيلكم عليها بعدين ) مش هينفع أفعلها غير لما يمسكوني الوزارة كلها ..
و عامة يعني لو معملوش كدا .. هم الخسرانين .. Evil or Very Mad

قدوتي في الحياة : طبعا قدوتنا كلنا كمسلمين رسولنا الكريم " صلى الله عليه و سلم " ..
و من البشر اللي حوالينا بقى .. أنا قدوتي والدي ووالدتي .. ربنا يخليهم هم أكتر ناس نفسي أكون زيهم في حاجات كتير علمهولي و باحاول أطبقها ..في الحياة بمفهومها الواسع ..
و في المجال العلمي لوحده .. قدوتي أي نموذج ناجح و متميز و مثابر .. في أي مجال ..
و في نماذج كتير أعرفها ناجحة جدا .. و غالبا النجاح عندي الحقيقة مرتبط بالسفر بره ................. ثم العودة ..

لوني المفضل : الأزرق يا جماعة عندي سيد الألوان ..
يليه الأخضر مؤخرا ..

أكتر دكتور باحبه: كان دكتور خيري الله يمسيه بالخير ..
د. سامي .. د. نانسي ( اوبراتيف و كراون و اندو .... مثلث الشر ).. د. نهلة ............ دا من المعيدين ..
د. حسين يحيى بردو من الدكاترة اللي باحبها و باحترمها ..( مش إعلانات يا جهاد .. واخدة بالك انتي Wink ) ..
د. رأفت إسماعيل .... فيزيا إعدادي ..
د. أنا مش فاكرة اسمه بس هوالدكتور بتاع ال physical chemistry..

أكتر دكاترة مش باحبها :
د. أمل بسيوني ... المعيدة في البروسيزس ..
د. أحمد السباعي ......... فيزيا إعدادي بردو .. " heat " ..
دكاترة المورفولوجي و الأورال هستو .... باموت فيهم الصراحة Evil or Very Mad .. معيدين و دكاترة ..يمكن أحسنهم د. هبة الطوخي ..

اخواتي : حاتم ..... امتياز مستشفى أم المصريين .. هو كان أسنان القاهرة ..
ريم ......... تالتة اعدادي ..

صدعتوا و لا لسه شوية ...

مبدأي في الحياة : إن الله يحب إذا عمل أحدكم عملا أن يتقنه ..

الحياة من وجهة نظري : هي استمتاعك بحب الآخرين.. و إمتاعهم بحبك ليهم .. flower

آخر حاجة بقى ..

أنا مش باحب الشااااااااااااااااااااي ..خالص ..

كفاية عليكم كدا .. lol!

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
dr_coval
عضو نجم
عضو نجم
avatar

انثى عدد الرسائل : 319
العمر : 29
الموقع : اللهم ارزقني حسن الخاتمة
تاريخ التسجيل : 16/11/2007

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   الثلاثاء ديسمبر 11, 2007 4:56 pm

DR.SMART كتب:
..

....
د. أنا مش فاكرة اسمه بس هوالدكتور بتاع ال physical chemistry..

:




اهلا وسهلا بالدكتورة سمر تورتى المنتدى يافندم دكتور الكيمياء الفيزيائية كان اسمه د.الزينى عبيد على ما اعتقد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مـــالك
عضو نشيط
عضو نشيط


ذكر عدد الرسائل : 92
العمر : 31
تاريخ التسجيل : 08/12/2007

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   الجمعة ديسمبر 14, 2007 9:46 pm

بسم الله الرحمن الرحيم

اولا الموضوع دمه خفيف وفكرته لذيذه يا عم عبده وتسلم cheers
ثانيا موش عارف اذا كنت مدعو لحفلة التعارف دي ولا لأ بس أنا هتطفل عليكم Laughing
أصلي حاسس اني غريب عن الناس هنا عشان يمكن الوحيد اللي من تالته حتى الان
ما علينا
نبدأ التعريف بـــــــــ.........
الاسم مالك أحمد سمير علي القوني
السن 20سنه و9شهور
الوظيفه عاطل afro ............أصلي موش معترف إني دكتور لحد دلوقتي
الهوايات بعيدا عن أي نشاط رياضي لأني فشلت فيهم جميعا حتى البلي مسافات قصيرة
القرايه والكتابه بالتأكيد وطبعا الشعر بصفه خاصة لأني بدأت أكتب شعر من سنه خامسه ابتدائي
المشي بدون هدف drunken بالذات في أيام الامتحانات عمركم سمعتم عن الهائم على وجهه ده التعبير الدقيق اللي يوصف الهوايه دي
موش جنون ولا صياعه بس فعلا بيبقى نوع من تصفية النفس جرب تنزل من بيتك مرة تمشي من غير ما تعرف رايح فين في أي حته و
أي مكان المهم متتقلبش ويكون معاك بطاقه -البنات ما يحاولوش يجربوا-ما علينا
في هوايات تانيه زي التحف بمووت في التحف والديكورات والحاجات الفنيه والتسوق بشكل عام بس موش في سوق الخضار
تقريبا كده خلاص إلا إذا كان الغلاسه على أخويا الصغير هوايه ما علينا pirat
القدوة كلنا قدوتنا الرسول الكريم محمد صلى الله عليه وسلم وده جزء من العقيده الصحيحه واللي أقرها الله في كتابه "لقد كان لكم في رسول الله أسوة حسنة"
أما القدوة التاليه فهي غير معروفة أنا بتعجبني في شخصيات كتيرة حاجات كتيرة وبحاول أقتطف من كل بستان زهرة زي ما بيقولو
والشخص الوحيد اللي غير مسار حياتي وفعلا كان وما زال قدوتي فهو أخويا الكبير أنس خريج أسنان عقبال عندكووو

بالنسبه للهدف وما إلى ذلك بكره كلام الانشا study لكن ما علينا

الغاية من الحياة رضى الله عني
والهدف سري لا يمكن لأي شخص الاطلاع عليه إوعى وشك Cool
والرساله اللي عايز أوصلها بالهدف ده نهضه عربيه إسلاميه و................كلام كبييييير أوي يا بيه

أكتر دكتور بحبه ..........صراحه احترت لأني بحب كتيير في الكليه الجميله بتاعتنا
وأكترهم ............دكتور مجدي مصطفى وكيل الكليه والدكتور عبدالفتاح والدكتورة شكريه والدكتور مأمون
والدكتورة منال والدكتورة سحر والدكتور الشناوي الصغير و...........و............وغيرهم والله كتير
ما علينا ومن المعيدين بحي الدكتور سيد والدكتور تامر والدكتور أحمد محيي والدكتورة رضوى وداليا
والدكتور محمد كمال لما تدخلو الجراحه هتعرفوه شخصيه فوق الرائعه
ما علينا في لسه كتير بس كده كفايه
الاكل المفضل بقه ده لو كتبت من هنا لبكرة موش هخلصو بس انا موش بحب السمك خاااااااااااااااااااااالص pale زي ناس كتيييير هنا واليوم اللي بيعملوا فيه سمك باكل عيش وحلاوة
بموت في المحشي -حد يعزمني على محشي -وغيره وغيره
وبموت في الحلويات خصوصا بعد ما اتمنعت منها ........أصلي من كتر أكلي للحلويات جالي سكر بس برضه باكلها............ ما علينا
اللون المفضل أزرق سماوي وكل درجات الازرق بس معظم لبسي بني
إخواتي
أختي الكبيرة صيدلانيه متخرجه ومتزوجه وعندها واد وبت زي العسل
الواد عبدالرحمن اللي في الصورة بتاعتي والبنت نور
أخويا أنس وأخويا الصغير معاذ 6ابتدائي
بابا دكتور في بنك الدم وماما دكتورة في علوم قسم فيزياء ومحدش يقول عن دكاترة الفيزيا حاجه كدا ولا كدا. Suspect ............ما علينا
نسيت أقول اني بموت في الرافعي ومحمود سامي البارودي وبعشق البحر والسما والسحاب والحاجات اللي زي كده يعني واخدين بالكو
كفايه كده عليكو
انتم زهقتم مني وانا زهقت مني وطولت اوي
وبرده ما علينا سلام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://razaz-ala7lam.blogspot.com/
همسات
عضو نجم
عضو نجم
avatar

انثى عدد الرسائل : 190
العمر : 27
تاريخ التسجيل : 07/07/2008

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   الإثنين يوليو 07, 2008 7:56 pm

انا مين ؟؟ انا.......... انا بقى آخر عضو ف الاسره كلها يسجل واكيد ختامه ............. بلاش احراج احسن الموضوع مش ناقص!!
الاسم : آيه احمد شهاب الدين

الوالد : مهندس حاسب الي واستاذ جامعي (عقبالي يا رب ههههههههههه شكلها كده مش نافعه مش مشكله ربنا يعوض علينا بقى) بس انا مفهمش اي حاجه ف الكومبيوتر خالص واكيد انتوا عارفين كده كويس لاني طلعت عينيكم عما دخلت ع المنتدى!مش كده ولا ايه

الوالده : صيدلانيه وعشان كده انا مرضيتش ادخل صيدله ههههههههه لا طبعا انتوا هتغلطوني ف القياده العليا ولا ايه لا انا مدخلتهاش عشان بكره الكميا كره العمى !

بالنسبه بقى للعيال اخواتي عندي
محمد طالع تالته ثانوي ادعوله يطلع م الثانويه العامه على خير
وامل داخله تانيه اعدادي
يعني انا الكبيره والامره والناهيه عليهم (بس متعرفوش اخواتي اني قلت كده )لاحسن يزعقولي ويضربوني !!

بس لحد دلوقتي انا الصغيره في اسرتي التانيه ربنا يخليهالي و ان شاء الله مش هفضل الصغيره علطول كلها كام شهر وينضم لنا اعضاء جداد واحس بقى ان في حد اصغر مني بدل اللي انا فيه ده !!! متفهمونيش صح !!!! ههههههه

عندي 18سنه و10 ايام

ومش هقدر اكلم ع الاكل اللي بحبه واللي مش بحبه لان اغلب الاكل مش بحبه( باكلوا من غير ما افتح بؤي ،بس طبعا بفتح بؤي احط فيه الاكل و بعدين اقفله تاني وبس )

اما عن هواياتي فانا (كت) بحب القراءه جدا من وانا صغير لحد ما قرات كتاب حلو جدا اكيد كلكم عارفينه "تراجم سيدات بيت النبوه" المشكله بقى اني بدات اقراه الاجازه اللي فاتت بس الدراسه جت قبل ما اخلصه ،وكملته الحمد لله ف الاجازه دي بس بعد ما اتعليت من طوله بس الحمد لله اني خلصته ونلت الشرف ده!!!

الدكاتره اللي بحبهم : اممممممممممم
ثواني ادوني شويه وقت افكر يمكن الاقي !!!
اه الحمد لله لاقيت
دكتور خيري بتاع اللغه
دكتور رافت بتاع الفزيا
دكتوره سحر بتاعه الماتيريال

اما الدكاتره اللي بحبهم اوي اوي (وانتوا فاهمين قصدي)
دكتوره منال رغم انكوا كلكم بتحبوها بس معرفش انا ليه بحبها اوي هههههههههه جايز لما اعرفها اكتر احبها بس

في دكاتره بقى وهم
د\الزيني عبيد ، د\عكيله بصراحه دول مقدرش اقول عنهم حاجه لانهم بصراحه عبقريه عشان كده مستواهم عالي اوي علينا فمكتش بفهم منهم حاجه خاااالص هههههه!!!!!

كفايه كده كلام ع الدكاتره هما ايه ورانا ورانا ف كل حته !!!!

هدفي ف الحياه
وبكل بساطه اني اكون انسانه يفخر بها قدوتي رسول الله سيدنا محمد صلى الله عليه و سلم ويتباهى بها يوم القيامه وان اجعل كل من حولي كفء لان يقول فينا رسول الله صلى الله عليه وسلم : هذه أمتي !!!

ليا ف حياتي ثلاثه مجموعات كقدوه
1 رسول الله صلى الله عليه وسلم
2 بابا وماما (اسرتي الصغيره)
3اسرتي الكبيره
ده طبعا من غير زعل يا اعضاء اسره المستقبل ما اهو مهما كان ماما وبابا هما اللي باقين لي عنكم ههههههههه
لا والله ربنا وحده يعلم انا اد ايه بحبكم ف الله

امنياتي كتيييير
اولها الحمد لله لسه متحقق حالا اني ادخل ع المنتدى ده لاني بقالي سنه بحاول ادخل عليه واخيرا حصل هيه هيه هيه
تانيها انسى العذاب اللي شفته عما ادخل المنتدى قولوا آااااامين
تالتها اكون عضوه فعاله فيه مش معقول يعني بعد كل الغلب ده ما اشاركش فيه مش كده ولا ايه
..................
........................
.............................
اخرها اني اكون دكتوره ناجحه بس قبل كده اكون ام انجح لان نجاح المراه الازهى بتهيألي ف بيتها
بس اوعى حد من الدكاتره يفتكر ان انا كده بفسح لهم المجال و بسيب لهم الساحه ليهم بس لا طبعا عمري ما هتخلى عن دور المراه ف طب الاسنان والدليل ان اغلب دكاترتنا ف الكليه ستات ده حتي العماده ست
لا بجد احنا لازم نتعاطف مع الرجاله شويه مش عشان هما ربع المجتمع منديش ليهم فرصه يشتغلوا
كفايه كده لاحسن شكلي هطرد م المنتدى من اول يوم وانا ما صدقت ادخل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دقات قلب
عضو نجم
عضو نجم
avatar

انثى عدد الرسائل : 185
العمر : 28
تاريخ التسجيل : 08/07/2008

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   الثلاثاء يوليو 08, 2008 1:02 pm

السلام عليكم ورحمة الله وبركاته
أكيد انتم مش عارفني
انا عضو جديد بس يا رب ما اكونش عضو تقيل عليكم
انا شايفه ان فكرة تعريف كل واحد بنفسه فكرة جاااااااامدة جدااااااااا لانها بتسمح لباقي الاعضاءانهم يفهمو بعض كويس من طريقة الكلام ومن الظروف الي حواليه فالله يبارك ف صاحب الفكرة و يحفظه
المهم أعرفكم بنفسي بقى:
اسمي: ايمان محمد نصر
السن : 18 سنه وشهرين و أسبوع
والدى : استشاري باطنى و قلب ورئيس قسم الكلى ف مستشفى المبرة ف المحلة
والدتي: مدرسة لغة فرنسية
أنا بقى أصغر واحده ف اخواتى..................
أختى الكبيره طبيبة اسنان متخرجه من سنتين ومستنيه تعيين الجامعه باذن الله عقبالكم
وأخويا مهندس "energy & power "متخرج من سنه ولسه مسافر الامارات الخميس الي فات ادعوله ربنا يوفقه
هواياتي بقى: 1- القراءه ف كل المجالات.وأنا اليومين دول بقرأ ف كتاب" كنوز القران الكريم" ولما بكون متضايقه بقرأ ف كتاب" تهذيب موعظة المؤمنين" من "احياء علوم الدين" للامام الغزالي
2- الرسم الرمزى لانى بكره التفاصيل ف الرسم بالذات
3- بموووووووووووووت ف الشعر وبكتبه كمان بس على أدى كده وخاصة الشعر
الديني لأن كل حرف فيه له معنى ومغزى معين
بحب ف الشعراء نزار قباني عشان كده بحب بعض أغانى كاظم وبحب فاروق جويده والشاعر المعاصر عبد العليم عيسى.
لوني المفضل: الروز
قدوتي ف الحياة:
أكيد سيد ولد ادم سيدنا محمد صلى الله عليه وسلم وبحاول قدراستطاعتي اني اكون مثله وان كنت بعمل حاجات غلط بس باذن الله هتتصلح ربي يعينني.
وبالنسبه لقدوتى من الناس انا هقولكم بصراااااحه _ انا بسعى انى اكون نفسي وكانى ببني بيت انا الي رميت حجر اساسه وانا الي بكمل ادواره مع العلم ان انا الي اشتريت الطوب والأسمنت والرمل وكل حاجه ولو فيه جزء اتهدم بسوء خبره منى الله يعلم انى ببذل أقصى جهد عشان أبنيه تانى وأكيد انتم فاهمين كلامى وتشبيهاتي.
هدفي:
اني اكون ايجابيه لاننا والله العظيم ف زمن كرب ومحتاجين نلاقي نفسنا اولا ونكون جنب بعض ومن هنا اكيد ربنا هيرضى عنى.
وعلمتني الحياة اني ماخافشي من حد حتى لو اكبر منى مش معنى كده انى مش بحترمه ابدا والله بس اكون واثقه من نفسي بالقدر الي يخلي الي أدامي يحترمنى ويقدر فكري لأن الشخص ده أكيد كان ف يوم من الايام زيي.
بالنسبه لموضوع الأكل ببسااااااااااااااااااطه شديده:
بحب الفواكه والخضار جدا جدا وكل ما هو مشوي ومش بحب الرز اوى و أكتر حاجه مجنونه بحب اكلها المكرونه السباجتي بس تكون مشطشطه وبختلف مع عبد الرحمن ف موضوع المكرونه بالبشاميل لأنى مش بحبها خاااااااالص فأرجو العفو من عبد الرحمن.
أنا عارفه ان كلامى كتير بس والله مش عارفه استريحت لما قلته وأتمنى تقبلونى ف منتداكم والله يحفظكم ويسدد خطاكم[/b] Embarassed
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
النجمة الصامدة
المدير العام
avatar

انثى عدد الرسائل : 242
تاريخ التسجيل : 27/11/2007

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   الثلاثاء يوليو 08, 2008 1:16 pm

ماشاء الله

همسااااااااااات عندنا يا ولاد

وانا بقرأ الاسم مكنتش مصدقة نفسي والله

هههههههههههه

شرفتينا ونورتينا

وربنا يحققلك كل امانيكِ ويحفظك ويرفع قدرك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.somood.blogspot.com
النجمة الصامدة
المدير العام
avatar

انثى عدد الرسائل : 242
تاريخ التسجيل : 27/11/2007

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   الثلاثاء يوليو 08, 2008 1:25 pm

انا مش عارفة اناا اديت نفسي حق الترحيب بالبشر هنا ليه

بس عادي بقى كلنا اخوات

Very Happy

هو انا بس عاوزة أقول لدقات قلب يا قهلا ياقهلا ياميت مليون مرحبا

شرفتي ونورتي وبلاش الكسوف اللي انتي فيه دا وتقبلوني وشكرا والحاجات دي

لالالالا مش معانااااا يا ماماااااااا

lol!

ربنا يكرمك ويرزقك من كل ما تتمني وفوقه وزيادة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.somood.blogspot.com
abdelrahman_eldeeb
عضو مميز
عضو مميز
avatar

ذكر عدد الرسائل : 502
العمر : 29
تاريخ التسجيل : 19/11/2007

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   الثلاثاء يوليو 08, 2008 2:43 pm

إيه الحلاوة دى
والله والبلية جريت ، وزباين الموضوع كتروا ، وشكلها هتلعلع ياعم عبدالرحمن ....
والله ولا كأنى واقف بعربية فول فى الشارع
المهم ، نرحب بالاعضاء الجدد ، ونقولهم نورتوا وآنستوا ، وكان نفسنا نوجب معاكوا ، شاى قهوة، حاجة ساقعة ، بس زى مانتوا شايفين الحالة اليومين دول مش ولا بد ، فهنكتفى بعبارات الترحيب دلوقتى وخلي عندكوا شوية قناعة .
أم هند تعليق على تعريق العضوتين بنفسيهما -حلوة الحتة الفصحى دى-

همسات :
منورة يافندم ، وانا طبعا أسعد واحد فى المنتدى كله بإشتراكك فيه lol! ، تعريفك عن نفسك صدمنى صراحة ، لانى أول مرة فى حياتى الجامعية الطويلة اللى هى 3 سنين ألاقى حد بيحب دكتورة سحر ومابيحبش دكتورة منال ، ياخرااااااااااااااابى
دكتورة منال دى ست بسكوتة وانا لحد دلوقتى مالاقيتش دكتور أو دكتورة فى أخلاقها وأدبها ومعاملتها ، ومالقيتش لحد دلوقتى حد مابيحبهاش ، أما الدكتورة سحر فأنا هكتفى بالمقولة السحرية "حسبى الله ونعم الوكيل "

دقات القلب:
منورة يافندم ، وانا من خلال تعريفك بنفسك تفاءلت جدا بوجود حضرتك معانا ، حقيقى والله . بس انا اختلف مع حضرتك فى نقطة القدوة ، لأن معظم العظماء وصلوا لعظمتهم من خلال قدوة حاولوا ان يكونوا مثلهم فنجحوا بل وأحيانا فاقوهم عظمة ، أما فكرة ان تكونى نفسك وفقط ، فأنا اختلف معاكى ، صحيح انا موافق بل وأؤيد ان كل واحد لازم يكون له شخصية خاصة بيه وانه مايقلدش حد تقليد أعمى ، لكن فكرة عدم وجود قدوة معناه ان حضرتك ممكن تضيعى وقت كبير جدا من حياتك بتجربى لوحدك من غير ماتستفيدى بخبرات غيرك فتلاقى فى الاخر انك اكتشفتى حاجة أو اخترعتى حاجة موجودة أصلا
خلاصة الكلمتين الرغى اللى انا قلتهم دول ان
خبرات الآخرين هى السلم اللى بنطلع عليه عشان نوصل للنجاح ولما بنوصله بنكون بكده بنينا سلمة زيادة للى هييجى يعدنا.
أما بالنسبة للمكرونة البشاميل يمكن حضرتك مابتحبيهاش لانك مادقتيهاش من إيد ماما ، لانها باختصار مالهاش حل ، هههههههههه

تحياتى لكليكما والله أسال ان يجعل وجودكما معنا زيادة لنا ولكم
اللهم آمين
تحياتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.3abdelra7man.blogspot.com
adel_rehab
عضو نجم
عضو نجم
avatar

ذكر عدد الرسائل : 115
العمر : 30
تاريخ التسجيل : 22/11/2007

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   الثلاثاء يوليو 08, 2008 5:01 pm

يا مرحبا يا مرحبا بالوافدين الجدد
بص يا عم عبدو الفطار عليا و الشاي عليك
واسمحولي اني اقول ان انا اتفاجأت من انه في حد جديد حب يعبر عن نفسه
دقات القلب علي فكرة احنا مفيش عندنا كسوف ولا اي حاجة من ده
ويا رب تكون معرفة خير
سلام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
همسات
عضو نجم
عضو نجم
avatar

انثى عدد الرسائل : 190
العمر : 27
تاريخ التسجيل : 07/07/2008

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   الثلاثاء يوليو 08, 2008 7:13 pm

شكرا اوي ع الترحيب ده يا جماعه بس صراحه ملوش لازمه تعبتوا نفسكوا (ع الفاضي ) انتوا ناسين اننا عضوه ف الاسره ولا اكمني الصغيره يعني المفروض كت ابقى ف المنتدى من زمان بس الظاهر انكوا كتوا محرضينه عليا ههههههههه !!!!
بالنسبه يا عبد الرحمن على رايك ف الدكتوره منال مش عارفه انا لاقيت كلمه غريبه "بسكوته" مش عارفه والله انا لحد قريب جدا كت بثق ف راي سعادك ع العموم ممكن يكون راي حضرتك صحيح بس تغيرااااات الزمن من جيلنا لجيلكم !!!!!!!!!! واكيييييييد لو شفت الامتحان بتاعنا هتقول "حسبي الله ونعم الوكيل " فيكي يا بسكوته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دقات قلب
عضو نجم
عضو نجم
avatar

انثى عدد الرسائل : 185
العمر : 28
تاريخ التسجيل : 08/07/2008

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   الثلاثاء يوليو 08, 2008 7:49 pm

ميرسي يا شباب ع الترحيب
و قريب اوى باذن الله و بعد اذنكم يعنى هكون عضوه ف الأسرة بتاعتكم وهتشوفونى قريب وربنا يقدرني و أكون عند حسن ظنكم ان شاء الله
و ميرسي لرأيك يا عبد الرحمن بس أنا اتكلمت بصراحه و اكيد باذن الله هحط كلامك ف الاعتبار يمكن انا كنت محتاجه اني أسمع الكلام ده والحمد لله سمعته
ميرسي مره تانيه وانا مبسوطه اني معاكم bounce



نجىء الى الحياة وسوف نمضي ودقــات القلوب لها مشيئه
أنا والله عشت طريد عمــــــــري و روحي أينما جنحت بريئه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
السنبلة المستظلة
عضو نجم
عضو نجم
avatar

عدد الرسائل : 291
تاريخ التسجيل : 05/12/2007

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   الثلاثاء يوليو 08, 2008 9:13 pm

بسم الله ما شاء الله ....لقاء الأحبة يتجدد وحلم حياتنا بيتحقق... Smile
،
،
،

همسااااااااااااااااااااااااااااااااااااااااات.....طال الانتظار ، فمرحبا بك في صوت المستقبل كعضوة فعّالة ...مش زي سعادتي اليومييييييييييييين اللي فاتوا دول Embarassed ...أعتقد إن باب زويلة في انتظاري يوم الاجتماع الجاي... cherry .. ربنا يستر!!!!
ههههههههههههههه
....................
بجد بجد: أشرقت الأنوار ودايما الواحد لما يدخل بيته مش محتاج عزومة..حمدا لله على وصولك من بين تعقيدات جهازك لبيتك سالمة ..كلنا مبسوطين بتواجدك معانا .. sunny ... cheers
وأحب أقولك : إن أنا نفسي .. إنك تثبتي إنك فعلا همسة من الهمسات ، أثرها في قلوبنا أثر ما قدمته يوم ندوة العمل الجماعي ...وربنا يوفق Razz .... ،


عدل سابقا من قبل السنبلة المستظلة في الثلاثاء يوليو 08, 2008 9:39 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
السنبلة المستظلة
عضو نجم
عضو نجم
avatar

عدد الرسائل : 291
تاريخ التسجيل : 05/12/2007

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   الثلاثاء يوليو 08, 2008 9:27 pm

دقات القلب....اسم فحواه مثير ...وما قرأته مما خطته يداك عن ذاتك ، ينم عن روحانية خاصة بك، لا يمسها كلٌّ ولا ملٌّ ...أدام الله عليك هذا أخيتي الفاضلة ...
مرحبا بك ترحابا...لايخالطه إلا أخوة صادقة وإيمان عميق بصدق نوايانا مع الله في أهدافنا ...
و
و
و
في انتظار مساهماتك و إبداعاتك ...قبل رؤياكِ ومرآك...
لكِ تحايا ... Razz
[b]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مـــالك
عضو نشيط
عضو نشيط


ذكر عدد الرسائل : 92
العمر : 31
تاريخ التسجيل : 08/12/2007

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   الجمعة يوليو 11, 2008 4:17 pm

ازيكم يا جماعة أنا جيت أخيرا أوحشتموووني بشده يعلم الله
معذرة بقة غصب عني كنت منقطع عن الدنيا لفترة بس أديني رجعت عشان أرخم عليكو
وبسم الله ماشاء الله المنتدى بدأ يعمر اهه
أهلابدقات وهمسات نورتو المنتدى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://razaz-ala7lam.blogspot.com/
بومبه
عضو جديد
عضو جديد


انثى عدد الرسائل : 14
تاريخ التسجيل : 13/07/2008

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   الأحد يوليو 13, 2008 1:39 pm

اولا بنحب ندحرج التماسي على الحجة والجماعة الي ف البلد
وبنقول لمرزوق ان مصر طلعت حلوة جوي جوي يا بوي
بالنسبة للسجل المدني بتاعي
...................
...................
................
.........................................ز
....................................
بومبة مش هقولكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
abdelrahman_eldeeb
عضو مميز
عضو مميز
avatar

ذكر عدد الرسائل : 502
العمر : 29
تاريخ التسجيل : 19/11/2007

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   الأحد يوليو 13, 2008 4:21 pm

مالك عندنا
يامرحب يامرحب يامرحب
والله منور المنتدى كله ، ايه ياعم الغيبة الطويلة دى ؟!
على العموم حمدا لله بالسلامة ووحشتنا ابداعاتك
منتظرين تفاعلاتك lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.3abdelra7man.blogspot.com
abdelrahman_eldeeb
عضو مميز
عضو مميز
avatar

ذكر عدد الرسائل : 502
العمر : 29
تاريخ التسجيل : 19/11/2007

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   الأحد يوليو 13, 2008 4:24 pm

بومبة
مرحب بيكى معانا فى منتدانا المتواضع
ومنورة المنطقة كلها
وعلى فكرة لما قريت السجل بتاعك لقيت ان فى صلة قرابةبينى وبينك بس من بعيد شوية lol!
بجد عايزين نتعرف عى حضرتك
منتظرينك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.3abdelra7man.blogspot.com
dr_coval
عضو نجم
عضو نجم
avatar

انثى عدد الرسائل : 319
العمر : 29
الموقع : اللهم ارزقني حسن الخاتمة
تاريخ التسجيل : 16/11/2007

مُساهمةموضوع: رد: السجل المدنى بتاع المنتدى ...أقف فى الطابور ياأستاذ   الإثنين مارس 09, 2009 4:46 am

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
السجل المدنى بتاع المنتدى ...أقف فى الطابور ياأستاذ
الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
 :: مستقبلنا العام :: اجتماعيات-
انتقل الى: