الرئيسيةس .و .جبحـثالتسجيلالأعضاءالمجموعاتدخول

شاطر | 
 

 ليله القدر

اذهب الى الأسفل 
كاتب الموضوعرسالة
dr_coval
عضو نجم
عضو نجم
avatar

انثى عدد الرسائل : 319
العمر : 29
الموقع : اللهم ارزقني حسن الخاتمة
تاريخ التسجيل : 16/11/2007

مُساهمةموضوع: ليله القدر   السبت سبتمبر 20, 2008 3:39 am

in
كل سنة وانتم طيبين
طبتم وطاب ممشاكم وتبوأتم من الجنة مقعداً

قولوا آآآآآآآآآآآمين

عاملين ايه فى رمضان والهمة اخبارها ايه !!!!!!
ياترى لسه عالية زى اول يوم ولا الكرف طالع ونازل

الحمدلله الذي بلغنا رمضان هذا العام

يارب بلغنا ليلة القدر هذا العام
قولوا آآآآآآآآمين

ندخل فى الموضوع على طول

بسم الله الرحمن الرحيم
إِنَّا أَنزَلْنَاهُ فِي لَيْلَةِ الْقَدْرِ

وَمَا أَدْرَاكَ مَا لَيْلَةُ الْقَدْرِ

لَيْلَةُ الْقَدْرِ خَيْرٌ مِّنْ أَلْفِ شَهْرٍ

تَنَزَّلُ الْمَلائِكَةُ وَالرُّوحُ فِيهَا بِإِذْنِ رَبِّهِم مِّن كُلِّ أَمْرٍ

سَلامٌ هِيَ حَتَّى مَطْلَعِ الْفَجْرِ

صدق الله العظيم


ركزوا كده فى كل ايه
لَيْلَةُ الْقَدْرِ خَيْرٌ مِّنْ أَلْفِ شَهْرٍ

1000 شهر تصوروا الليلة دى خير من الف شهر يعنى مش الف شهر كمان لا خير منها
يعنى خير من 84 سنة

يعنى فعل خير فى الليلة دى خير من 84 سنة فعل الخير
يعنى صلة رحم فى الليلة دى كانك بتعمل صلة رحم بقالك 84 سنة
يعنى تدبر القرآن فى الليلة دى كانك بتدبر بقالك 84 سنة
يعنى التهجد فى الليلة دى كأنك بتتهجد بقالك 84 سنة
يعنى .....يعنى.....يعنى......... الخ

تصوروا كنوز الحسنات دى كلها


طيب ايه اللى بيحصل فى الليلة دى ؟
تَنَزَّلُ الْمَلائِكَةُ وَالرُّوحُ فِيهَا بِإِذْنِ رَبِّهِم مِّن كُلِّ أَمْرٍ

سيدنا جبريل عليه السلام بينزل الارض كل سنة مرة فى ليلة القدر والملائكة
تصور انت قاعد كده وبتدعى فى الليلة دى والملائكة بتتنزل ودخلت بيتكم وقعدت تامن على دعائك
يا الله

يبقى اول ثواب من ليلة القدر عرفناه كنووووووووووووز من الحسنات

ثانى ثواب ايه ؟
مغفرة لكل اللى فات
قال صلى الله عليه وسلم (من قام ليلة القدر ايماناً واحتساباً غفر له ما تقدم من ذنبه)
صدق رسول الله صلى الله عليه وسلم
اللهم اجعلنا منهم
قولوا آآآآآآآمين

ثالث ثواب؟
اجابة الدعاء
السيدة عائشة سئلت النبى عليه الصلاة والسلام
اذا حضرت ليلة القدر تدعى بايه
فبلغها انها تكثر من هذا الدعاء(اللهم إنك عفو تحب العفو فاعف عنا)


دى ليلة من ليالى رمضان يعنى ليلة اجابة دعاء وعطاء فكيف اذا الحيت بالدعاء!!!!!

رابع ثواب ؟
العتق من النار
هى ليلة من ليالى رمضان يعنى ليلة عتق اصلا
تخيل كده الاتى
اسمك ينادى فى السماء فلان الفلان اعتق من النار
يعنى من اهل الجنة
واذا الكريم اعتقك عمره ما يحط الرقبة دى تانى فى النار
هى ايضاً ممتدة حتى مطلع الشمس
الرسول عليه الصلاة والسلام قال التمسوها فى الوتر من العشر الاواخر
بتهيألى اذا كانوا عشر ليالى اجتهدنا فيهم هو مفتاح دخولنا الجنة يبقى دى هدية من عند ربنا


'
طيب الرسول عليه الصلاة والسلام كان بيعمل ايه ؟
الرسول of عليه الصلاة والسلام فى الايام العادية كان بيخلط بين النوم والقيام والصلاة
انما اذا دخلت العشر الاواخر كان يحيى الليل ويوقظ اهله ويشد المأزر
تصوروا لما الرسول عليه الصلاة والسلام المعصوم بيعمل كده !!!!
احنا المفروض نعمل ايه!!!!!

ايه اللى ممكن يحيل بيننا وبين ليلة القدر؟؟
1- غفلة
2- معصية
3- خناقة او مشاحنة
اصلا ميعاد ليلة القدر ضاع من المسلمين لان الرسول عليه الصلاة والسلام لما كان خارج ليبلغهم بموعد ليلة القدر نتيجة مشاحنة بين اتنين


اللهم اجعلنا ممن يعتقون هذا العام من النار
اللهم يا كريم يا حليم ياعفو كما بغتنا رمضان هذا العام فبلغنا ليلة القدر لهذا العام
اللهم ارزقنا صحبة النبى صلى الله عليه وسلم فى الفردوس الاعلى
اللهم بلغنا ليلة القدر هذا العام
آآآآآآآآمين
مُقتبس
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ليله القدر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: مستقبلنا الإسلامي :: مع الله-
انتقل الى: