الرئيسيةس .و .جبحـثالتسجيلالأعضاءالمجموعاتدخول

شاطر | 
 

 مواقف وطرائف... لالالالا ,ده برنامج تانى غير الكاميرا الخفية

اذهب الى الأسفل 
كاتب الموضوعرسالة
abdelrahman_eldeeb
عضو مميز
عضو مميز
avatar

ذكر عدد الرسائل : 502
العمر : 29
تاريخ التسجيل : 19/11/2007

مُساهمةموضوع: مواقف وطرائف... لالالالا ,ده برنامج تانى غير الكاميرا الخفية   الإثنين ديسمبر 17, 2007 6:05 pm

الموضوع ده هنحكى فيه مواقف حصلتلنا فى حياتنا فى الكلية.... فى الشارع .... فى المدرسة.... فى النادى ...أو فى اى حتة ,,,,, مواقف طريفة lol! ... ساخرة . Laughing ...محرجة Embarassed .... مستفزة Mad ... او مواقف من أى نوع
الموضوع ده مفيد جدا على فكرة , وله فوائد فى كل الاتجاهات , فهو عبارة عن تبادل خبرات , وترويح عن النفس , ده غير انه هيبقى موضوع دمه خفيف , يلا مستنى مشاركاتكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.3abdelra7man.blogspot.com
أنا البحر
عضو نجم
عضو نجم
avatar

انثى عدد الرسائل : 156
العمر : 30
تاريخ التسجيل : 29/11/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الجمعة ديسمبر 21, 2007 2:54 am

بسم الله الرحمن الرحيم
موضوع لذيذ اوى يادكتور ويسعدنى انى اكون اول واحده تشارك فيه
انا الموقف اللى حصلى من النوع الطريف بس انا ماوعاش عليه
اما كنت صغيره اول ماتعلمت المشي خرجت بره البيت مش عارفه ازاى ووقفت فى وسط الشارع والعربيات رايحه جايه بس فيه عربيه شافتنى وقفت فالعربيات خبطت فى بعضها المهم ان اللى شافونى قالو ان انا كنت مبسوطه اوى وقعدت كمان ارقص ولا فى دماغى لغايه بقى ما ماما جيت وانقذتنى وعدت على خير flower
thnxxxxxxxxxxxxxxxxx

_________________
الليل العادل لا يفرق بين بحر وسماء
بين عصفور غريب عن الشرفة
وانسان غريب عن البلاد
الليل عادل فى السواد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
abdelrahman_eldeeb
عضو مميز
عضو مميز
avatar

ذكر عدد الرسائل : 502
العمر : 29
تاريخ التسجيل : 19/11/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الجمعة ديسمبر 21, 2007 2:31 pm

أنا البحر كتب:
بسم الله الرحمن الرحيم
موضوع لذيذ اوى يادكتور ويسعدنى انى اكون اول واحده تشارك فيه
انا الموقف اللى حصلى من النوع الطريف بس انا ماوعاش عليه
اما كنت صغيره اول ماتعلمت المشي خرجت بره البيت مش عارفه ازاى ووقفت فى وسط الشارع والعربيات رايحه جايه بس فيه عربيه شافتنى وقفت فالعربيات خبطت فى بعضها المهم ان اللى شافونى قالو ان انا كنت مبسوطه اوى وقعدت كمان ارقص ولا فى دماغى لغايه بقى ما ماما جيت وانقذتنى وعدت على خير flower
thnxxxxxxxxxxxxxxxxx
ههههههههههههههههههههه lol! lol! , موقف ظريف جدا والله , بس مرعب جدا برضه وخصوصا بالنسبة لوالدتك , هههههه , ربنا يعافينا من المواقف دى .
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.3abdelra7man.blogspot.com
abdelrahman_eldeeb
عضو مميز
عضو مميز
avatar

ذكر عدد الرسائل : 502
العمر : 29
تاريخ التسجيل : 19/11/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الجمعة ديسمبر 21, 2007 3:00 pm

انا هحكيلكم موقف من المواقف الطريفة اللى حصلتلى قريب جدا , الموقف ده حصلى يوم الحادثة , طبعا بعيد عن الحادثة وتفاصيلها لان ده فيلم كبير اوى , المهم انا رحت لدكتور بعد الحادثة على طول عملى جبس مؤقت وقاللى انى لازم اعمل عملية وبتاع , ورجعت البيت وانا تعبان جدا والالم رهييييييييييب ودايخ وكلام من كده , المهم ماما راحت قايلة لعمر أخويا انه يعملى مية بسكر , ولمعلوماتكم عمر اخويا فى تالتة ثانوى وهو اكتر شخصية كوميدية شفتها فى حياتى , فعمر راح المطبخ وقعد بتاع ييجى ربع ساعة لما ماما كانت هتجنن , وبعدين الباشا لقيناه جاى وفى ايده كباية مية بسكر ماشاء الله كبيرة اوى , ماما بتقوله ايه يابنى اللى أخرك كل ده , قالها معلش ياماما اصلى عديت على التلاجة فقلت لازم اظبط نفسى يعنى هههههه , وراح مدينى كباية المية بسكر وقاللى على فكرة ياعبدالرحمن انا عاملك مفاجأة , المهم شربت الكباية وحسيت ان طعمها غريب أوى , بس قلت عادى يعنى , وبعدين بقى بسال عمر عن المفاجأة اللى هو عاملهالى , وانا كنت بتالم جدا , فقاللى اصل انا عارف انك انت عامل رجيم فعملتلك المية بسكر دايت , طبعا انا نسيت الالم والحادثة وكل حاجة , وانفجرت فى الضحك , وهو مستغرب جدا انا بضحك ليه , ففهمته ان انا محتاج سعرات فماحبكتش وانا فى الحالة الجميلة دى انك تعملى السكر دايت, فرد عليا رد مفحم , قاللى مانا عارف مانا حطيتلك برضه معلقة سكر عادى , المهم ان انا عرفت بعد كده هو ليه حاطلى السكر دايت , بيقولى اصله كان هيترمى . ألطم؟؟؟!!!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.3abdelra7man.blogspot.com
أنا البحر
عضو نجم
عضو نجم
avatar

انثى عدد الرسائل : 156
العمر : 30
تاريخ التسجيل : 29/11/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الجمعة ديسمبر 21, 2007 9:03 pm

هههههههههههههههههههههههه
معقوله فيه كده

_________________
الليل العادل لا يفرق بين بحر وسماء
بين عصفور غريب عن الشرفة
وانسان غريب عن البلاد
الليل عادل فى السواد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مـــالك
عضو نشيط
عضو نشيط


ذكر عدد الرسائل : 92
العمر : 31
تاريخ التسجيل : 08/12/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الأحد ديسمبر 23, 2007 8:58 pm

ههههههههههههههههههههههههههههههههههههه lol!
أخوك ده يا عبده يعني أقصد متأكد انه أخوك
confused
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://razaz-ala7lam.blogspot.com/
abdelrahman_eldeeb
عضو مميز
عضو مميز
avatar

ذكر عدد الرسائل : 502
العمر : 29
تاريخ التسجيل : 19/11/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الإثنين يوليو 21, 2008 4:42 pm

بما إن أنا شايف ان الموضوع ده ماخدش حقه على المنتدى ، فقررت انى أحاول أحييه من جديد
هاحكيلكم موقف حصل معايا من حوالى خمس ست سنين كده ومش ناسيه لحد دلوقتى
فى يوم نزلت أصلى العشا تقريبا ، وبعد ماخلصت الصلاة وخارج بقى مروح مالقيتش غير فردة واحدة بس من الشبشب اللى كنت نازل بيه ، قعدت ادور فى كل حتة فى المسجد على الفردة التانية لكن مالهاش أثر ، الناس اتلمت وهم طبعا عارفينى كويس فقعت اتريق على الحرامى الاهبل اللى سرق فردة واحدة وعمال أنكت والناس تضحك وكل واحد يضرب كف بكف ومستغربين جدا من الموقف ، المهم استنيت لحد مالناس كلها مشيت ولقيت فردة شبشب لوحدها برضه ، فقلت يمكن اللى خد الفردة مش حرامى ولا حاجة ، يمكن راجل عادى اتلغبط وخد فردتين مختلفتين وان كان ده أغرب من الحرامى ، يعنى معقول الراجل ماخدش باله ، المهم لبست الفردتين ، وتخيلوا بقى ماشى فى الشارع بفردة وفردة ، منظرى كان مسخرة ، وكنت بحاول أدارى عليه بنظرية الهجوم خير وسيلة للدفاع ، يعنى كان أى حد ياخد باله أقوم أنا ضاحك وأقعد أتريق شوية واحكيله الموقف ، لحد ماوصلت بالسلامة الى بيتى العزيز ، ونسيت الموضوع بقى خالص .
وبالليل خالص بقى يعنى بعد حوالى 5 ساعات من الموضوع ، قاعد فى أمان الله فى الصالة والشباشب مرصوصة قدامى عند باب الشقة ، فافتكرت الموضوع فقعدت أبص عليهم عشان أشوف الشبشب الفردو وفردة ، مالقيتهوش ، لقيت كل الشباشب مظبوطة ومفيش أى إختلاف .
فاكتشفت يا أصدقائى الأعزاء ، إن أنا أصلا كنت نازل الصلاة بفردة وفردة lol!
مش بقولكم لاسع lol!

مستنى المواقف المفحمة بتاعتكم
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.3abdelra7man.blogspot.com
النجمة الصامدة
المدير العام
avatar

انثى عدد الرسائل : 242
تاريخ التسجيل : 27/11/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الخميس يوليو 31, 2008 4:36 am


هههههههههههههههههههههههههههههههههههههههههههههههههههههههههههههه


حرااااااااااام والله

انا بطني وجعتني من كتر الضحك

الموضوع دا كان فييييييييييين

كووويس اني لاقيته

وما اكثرها المواقف اللي من النوع دا

هبقى اعدي تاني احطلي موقف ولا حاجة

سلامات

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.somood.blogspot.com
abdelrahman_eldeeb
عضو مميز
عضو مميز
avatar

ذكر عدد الرسائل : 502
العمر : 29
تاريخ التسجيل : 19/11/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الخميس يوليو 31, 2008 7:49 pm

النجمة
مانا عمال أقولكم ان الموضوع ده من المواضيع الجامدة ، بس لو استغليناه صح ، وانتو مافيش حد فيكم معبر ، على العموم مستنيين مواقفك ، وربنا يسهل والناس اللى ماتت دى تصحى تانى وترجع تشارك lol!
سلاماتى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.3abdelra7man.blogspot.com
أنا البحر
عضو نجم
عضو نجم
avatar

انثى عدد الرسائل : 156
العمر : 30
تاريخ التسجيل : 29/11/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الجمعة أغسطس 08, 2008 12:28 am

خلى بالك انى توقعت كده من اول مابدات تحكى اصل الموقف ده اخوه حصل معايا
ههههههههههههههههههههههه الحمد لله ماطلعتش انا لوحدى lol!

_________________
الليل العادل لا يفرق بين بحر وسماء
بين عصفور غريب عن الشرفة
وانسان غريب عن البلاد
الليل عادل فى السواد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
النجمة الصامدة
المدير العام
avatar

انثى عدد الرسائل : 242
تاريخ التسجيل : 27/11/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الجمعة أغسطس 08, 2008 4:15 am

موقف رخم جدددددددددددددددددددددددددددا

والرخم فيه

احمد اخويا



احمد اخويا بطبعه بيحب يهزر ويرخم ويغتت على خلق الله

ههههههههههههه

بس منقدرش نعيش معاه غير وهو كدا بصراحة

دي نبذة بس عشان تتفهموا الموقف

***

كعادة اسرتنا العزيزة عاملين اشتراك مع شركة الطيران ورايحين جايين كاننا بنلاقي الفلوس في الشارع

احمد اخويا كان مسافر في الاجازة

وهو في الطيارة جت المضيفة معدية بالعربية بتاعة الجرايد

وهو حبكت معاه يدخل الحمام

فقام وقف في الممر بين الكراسي وبيوقلها بعد اذنك عاوز اعدي

مرديتش عليه

قالها لو سمحتي عديني

قالتله استنى اما اخلص

ليه وليه تقوله كدا

هو بقى مش يزعق وينفس اللي جواه في ساعتها

لا

سكت ورقدلها

هههههههههه

حلوة رقدلها دي

واستنى اما خلصت خالص

وراح الحمام ورجع

جه وقت الاكل هي بتمر بالعربية

فبتساله

حضرتك تاخد ايه

قالها

كشري

هههههههههههههههه

قالته ايه؟؟
>>>>>>> اتهيالها سمعت غلط

قالها بتاكيد واضح

كو شا ريييي

هي ابتسمت كدا

وقالتله مفيش الا فراخ ولحمة يافندم

قالها انا بقى عاوز كشري

قالتله مفيش عالطيارة كشري يا فندم

قالها طب قولي تاني كدا عندك ايه

قالتله لحمة او فراخ

هو: هاتي لحمة

طلعتها كدا

هو: لالالا فراخ فراخ

رجعت اللحمة وطلعت الفراخ

هو: وريني اللحمة تاني كدا

هي خلاااااااااااااص بتنفخ

هو: ولا اقولك فراخ بقى وخلاص

قامت حاطاله الفراخ وكل اللي في الكراسي اللي حواليه فطسانين من الضحك طبعا

و

انتقم منها اخيرا

ههههههههههههههههههههههههههههه

والى اللقاء في موقف اخر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.somood.blogspot.com
abdelrahman_eldeeb
عضو مميز
عضو مميز
avatar

ذكر عدد الرسائل : 502
العمر : 29
تاريخ التسجيل : 19/11/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الجمعة أغسطس 08, 2008 10:09 am

ههههههههههههههههههههههههههههههههههههه
واضح ان أحمد اخو حضرتك من النوع المفضل عندى ، خد حقه بالذوق ومن غير أى خساير ، أحيانا الرخامة بتبقى الحل الوحيد
وكويس انه ماطلبش فول وطعمية وقالها تجيبله بصل مع السلطة lol!


فى انتظار المزيد من المواقف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.3abdelra7man.blogspot.com
dr_coval
عضو نجم
عضو نجم
avatar

انثى عدد الرسائل : 319
العمر : 29
الموقع : اللهم ارزقني حسن الخاتمة
تاريخ التسجيل : 16/11/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الجمعة أغسطس 08, 2008 10:33 am

[center]بما ان الذاكرة عندى بعافية شوية
فالحمدلله بعد جهد جهيد افنكرت موقف طريف

من سنة ونصف كده قررت انا وواحدة صاحبتى نتمشمش شوية كده ونتفرج على حاجة ممكن نجيبها هدية لواحدة صاحبتنا تانية عشان عيد ميلادها

المهم نلف نلف قررنا فى الاخر نجيبلها شنطة

اساسا احنا كنا بنتفرج
فى الاخر وبعد طول غياب ربنا رزقنا بمحل كان فيه شنطة شبه بتاعة صاحبتى اللى كانت بتلف معايا على الهدية واصلا صاحبتنا اللى بنجبلها الهدية كانت تقريبا عاجباها شنطة صاحبتى اللى معايا

فبنساله يا عمو الشنطة بكام
قال والعياذ بالله رقم غريب كده What a Face

ليه يا عم كده وبدأنا نسن لسانا ده صاحبتى اللى هى معايا (ركزوا معايا متهوش منى)
شرياها بكذا من مصر
قعد بقى يجيب يمين فى شمال ويهجس ويبتكر فى اسباب وهمية كده شوية طبعا احنا مش ساكتين

فى الاخر طلع الراجل اللى جيبهاله اساسا من مصر نصاب ونصب عليه

المهم الادهى من كده ايه
ان فى بنتين كده امامير دخلوا المحل واهجبوا بنفس الشنطة وباين عليهم كانوا زباين فى المحل كده
والاغرب انه بردو قالهم على نفس السعر الاولانى


طبعه لما تشوفه تعرف علطول انه كان ميت فى جلده مننا الا ننشر الخبر بتاع السعر ده ادام زباينه
عموما هما مطولوش ومشتروهاش ومشيو

وييجى الجزء المضحك فى القصة الطويلة دى


خلاص اتفقنا معاه على سعر كويس والحمدلله والراجل خلاص بيحطها فى الكيس


المفروض بقى اننا ندفعله










احنا











مكانش









معانا

























فلوس

المهم نعمل ايه نعمل ايه
مش معقول بعد كل ده هنمشى ونسيب الشنطة


اقعدنا نجمع فى كل الفلوس اللى معانا بالظبط طلعت قد فلوس الشنطة وزيادة جنيه ونص عشان التاكسى او كانوا جنيه كمان


المهم ان بعد كده احنا كان عندنا كورس

فالمشكلة هتقع كمان شوية اننا مش معانا فلوس السنتر

بعد ما الكورس خلص
جينا نستلف من واحدة صاحبتنا فلوس
فطلع انها مكانش هى كمان معاها فلوس الا للكورس والتاكسى
انا مش فاكرة احنا جبنا فلوس السنتر يوميها منين
بس الاكيد اننا استلفنا


اه اعتقد اننا استلفناهم من السنبلة Very Happy



اساسا واحنا داخلين الكورس رايحين متاخر وامة لا اله الا الله بترن علينا قلنا مسش معقول هندخل كده ومعانا شنطة اكيد كان الدكتور على الاقل هيبصلنا شظراً

المهم نعمل ايه نعمل ايه




حطيت شنطتى جوة الشنطة اللى شاريينها

على اساس انها شنطتى انا وكده يعنى



ههههههههههههههه


اه على فكرة لسه الحكاية مخلصتش

اوعوا تتوهوا منى


فاضل اخر مشكلة ان صاحبتى اساسا مش من طنطا يعنى وراها سفر


يعنى فلوووووووووس
واحنا والحمدلله مفلسين
هى اساسا بتروح مع واحده صاحبتها اكبر مننا
فالمفروض انهم يرنوا لبعض حاجة كده


المهم نبعت فى كال مى ونرن ومفيش خالص مبتردش لغاية ما كنا هنفقد الامل خلاص واعتقدنا انها سافرت هى وفى اخر لحظة الحمدلله ردت علينا وجات

وانا روحت بيتنا سيرا على الاقدام

وتوتة توتة فرغت الحدوتة
[/center]

afro
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
abdelrahman_eldeeb
عضو مميز
عضو مميز
avatar

ذكر عدد الرسائل : 502
العمر : 29
تاريخ التسجيل : 19/11/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   السبت أغسطس 09, 2008 4:13 am

هههههههههههههههههههههههههههههههههههههههههههههههههههه
بجد موقف تحفة ، مع ان فى حاجات غريبة كتير جدا ن يعنى انتوا لما ماكاانش معاكم غير جنيه ونص بس ، ايه اللى خلاكو تركبو تاكسى ، ولا هى النضافة لازم تنقح عليكو يعنى lol!
وبعدين لما انتوا استلفتو من السنبلة ، ماستلفتوش ليه بزيادة ، طالما هى السلفة واحدة ، بدل ماتحرجوا نفسكم تانى
طبعا اجابة الاسئلة دى كلها هى اجابة واحدة
صباح التهييس

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.3abdelra7man.blogspot.com
abdelrahman_eldeeb
عضو مميز
عضو مميز
avatar

ذكر عدد الرسائل : 502
العمر : 29
تاريخ التسجيل : 19/11/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   السبت أغسطس 09, 2008 4:27 am

كنت قاعد امبارح مع خالى ، فحكالى موقف جامد حصل معاه قريب
هو مدرس فى مدرسة الصنايع اللى فى طنطا ، فبيقولى جاتلهم فى المدرسة حاجة زى منحة كده للمدرسين عبارة عن دورة كومبيوتر ، فالادارة راحو كاتبين اسمه من ضمن المدرسين اللى هيدخلو الدورة دى ، وفاجأوه بالموضوع ده ، فراح للمكان اللى هيتاخد فيه الدورة ، وفضل طول ماهو ماشى يكلم نفسه ، لانه مايعرفش اى حاجة فى الكومبيوتر خالص ، فقعد يسال نفسه هيعمل ايه ، وهيتصرف ازاى فى الاحراج ده ، وكده هيبقى منظره وحش قدام المدرسين كلهم ، ده هو حتى مابيعرفش الكومبيوتر بيتفتح منين .
المهم وصل للمكان اللى هياخد الدورة فيه ، لقى المدرسين كلهم موجودين وكان عددهم 30 مدرس ، وكلهم قعدوا قدام الاجهزة ، فخالو بقى قاعد فى نص هدومه ، وقعد يتلفت حواليه لحد ما لقى مدرس تانى برضه قاعد كده شكله قلقان ، فخالو راح قايله " والنبى ماتعرفش ازاى اشغل الكومبيوتر ده ، معلش بقى أصلى معرفش حاجة فيه خالص " ، ففوجئ ان المدرس بيقوله " والله ولا أنا ، ده انا حتى كنت جاى ومحرج انى ابقى لوحدى اللى معرفش حاجة فى الكومبيوتر ، بس كويس انى لقيتك ، تعالى بقى احنا الاتنين نروح لأى حد من المدرسين دول نسأله نشغل الكومبيوتر ازاى "

بيقولى بقى خالى العزيز " عدينا على ال 30 مدرس مافيش ولا واحد فيهم عارف الكومبيوتر بيشتغل منين " lol!

مدرستى جميلة ، نظيفة ، متطورة
هأأأأأأأو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.3abdelra7man.blogspot.com
adel_rehab
عضو نجم
عضو نجم
avatar

ذكر عدد الرسائل : 115
العمر : 30
تاريخ التسجيل : 22/11/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الأحد أغسطس 10, 2008 5:16 pm

ايه الحلاوة ديه
ده احنا معانا في الاسرة ناس بتستلف و بتاع اهو
مش انا لوحدي يعني اللي حصل معايا كده
خد عندك يا سيدي
انا كنت في يوم لذيذ من ذوات الايام رحت انا و تلاتة اصحابي نلعب بلاي ستيشن
المهم بدأنا نلعب و بعد ساعة قلت اشوف معايا كام
و خير اللهم ما اجعله خير لقيت نفسي منفض...............
قلت مش مشكلة
اكيد اصحابي معاهم فلوس
خدت واحد فيهم علي جنب و قلتله انه هايشلني في الفلوس و احاسبه تاني يوم
المهم البيه كان مش معاه هو كمان غير جنيه و كان معتمد عليا
انا اتخضيت
قلت للاتنين التانين يا جدعان يلا نقوم عشان انا اتاخرت و حاسبوا انتم عشان انا منفض و التاني معاه جنيه هيروح بيه
الاقيلك الاتنين مش معاهم فلوس برضوا
طب احنا الحساب كام دلوقتي يا عم ؟؟؟؟؟
كان 4 جنيه
قلنا خلاص بقا ما دام اللي واقف في المحل عارفنا و كده كده هانتادين نكمل الحساب عشرة جنيه
و كملنا الوقت تلات ساعات
ومن ساعتها و احنا كلتا قبل ما نروح اي مكان نعد فلوسنا
lol! lol! lol! lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
abdelrahman_eldeeb
عضو مميز
عضو مميز
avatar

ذكر عدد الرسائل : 502
العمر : 29
تاريخ التسجيل : 19/11/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الأحد أغسطس 10, 2008 6:18 pm

هو الموضوع قلب جو شحاتة فى الآخر كده ليه
lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.3abdelra7man.blogspot.com
dr_coval
عضو نجم
عضو نجم
avatar

انثى عدد الرسائل : 319
العمر : 29
الموقع : اللهم ارزقني حسن الخاتمة
تاريخ التسجيل : 16/11/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الإثنين مارس 09, 2009 4:21 am

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
abdelrahman_eldeeb
عضو مميز
عضو مميز
avatar

ذكر عدد الرسائل : 502
العمر : 29
تاريخ التسجيل : 19/11/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   السبت أبريل 25, 2009 10:47 pm


فى رمضان الماضى ، كنت أصلى التراويح فى مسجد من المساجد الشهيرة فى بلدنا ، كان إمامنا فى التراويح هو أخى محمد بارك الرحمن فيه وزاده من فضله ، طوال رمضان كان هو الامام ، حتى أتى اليوم المشهود وهو آخر أيام رمضان ، يومها أصر محمد أن أصلى ركعتين إماما ، وأصر بعض رواد المسجد لإصرار أخى ، فوافقت على مضض ، وشجعنى وجود المصحف ، اى أنى لن أضطر الى الصلاة بما أحفظ ، فاستعنت بالله ودخلت فى الصلاة ، فتح الله على فتحا مبينا يومها ، وكانت القراءة بفضل الله جيدة ، بالطبع أصلى بربع فى الركعة ، لأن المسجد يصلى بجزء فى اليوم ، المهم أنهيت الركعة الأولى وانا أحمد الله عز وجل أنى قطعت نصف الطريق ، ثم قمت من السجود لأبدأ الركعة الثانية ، قرأت الفاتحة ، وبدأت فى الربع الثانى ، قرأت على ما أذكر آية واحدة أو إثنتين ،
وحدثت الكاااااااااااااااارثة
انقطع النور عن المسجد
آن آن
آن آن
crying
لم أعد أستطيع رؤية المصحف ، لحظات مرت على أعواما ، أظنها من اللحظات الأكثر إحراجا فى حياتى ، كنت أود أن أخرج من الصلاة وأخنق أخى محمد lol! ، حاولت أن أتخذ قرارا فى ما سأفعل ، حاولت أن أسترجع حفظى الذى عفا عليه الزمن ، قررت أن أكمل ، وأقرأ آية إضافية وأرى ان كنت سأستطيع أن أكمل غيبا أم لا ، قرأت الآية فأخطات فى آخر جزء فيها
"الله أكبر"
بلا تفكير ركعت ، وانهيت الصلاة ، الطريف أننى وانا أسلم من الصلاة ، أتى النور
من يومها كان قرارى ، لن أصلى إماما ، إلا إذا راجعت القرآن ، لن أصلى إلا إذا كنت أهلا للصلاة
تعلمت الدرس يومها ولكن بالطريقة القاسية
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.3abdelra7man.blogspot.com
السنبلة المستظلة
عضو نجم
عضو نجم
avatar

عدد الرسائل : 291
تاريخ التسجيل : 05/12/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الأحد أبريل 26, 2009 5:05 pm

السلام عليكم ورحمة الله وبركاته
يمكن أنا أول مرة أشارك في الموضوع ده ....فيا رب يكون دمي خفيف عليكوا
ويا رب كمان ما تزهقوش مني
...هكيلكم موقف حصلي السنة دي أدام مكتبة الأوائل ،
وكمان واحد وأنا راكبة العربية اللي راحة مصر....
.................

وأنا بشتري ، أو مش فاكرة بصور ورق مادة إيه ؟؟...
ألاقي 3 بنات تقريبا ماليزيات ، بيحاولوا يكلموا البنت بتاعة المكتبة ... وهي بتحاول تفهم منهم عما عايزين إيه ..
لقيتهم يا عيني بيحاولوا يفهموها هما عايزين إيه ،،،ما فيش فايدة..
فقلت أدخل
حاولت أتكلم معاهم عربي مكسر ... لقيتني قلبت هندي ، مش عارفة أتكلم عربي مكسر خالص..
كان منظري يضحك Embarassed
قلت : أتوكل على الله وأكلمهم إنجليزي
...
المهم الحوار ابتدى كالآتي :
]u]tHE GIRLS FROM MEDICINE COLLAGE[/u]: PLZ, did u know veterinary medicine in tanta?
أنا اتخضيت من السؤال طبعا ..
[u]فقلت [/u]:
What,, I`M SORRY I DON`T UNDER STAND
قاموا قايلين:
COLLAGE FOR ANIMALS ,COWS.......
الجملة رنت في ودني قمت افتكرت معنى الكلمة
فقلت : OH YA, NO I don`t know,, I know only that there`S one in khafr el sheik.
.يا عيني أحبطتهم Sad ،
وبعدين قاموا سألوني عن اسمي فقلتلهم،
وبعدين جي دوري أسألهم عن اسمهم ..فسألت:
المفاجأة بقى إني لقيتها ببتهجى اسمها بالعربي ،،، دهشت جدا -ع. ق . ي. ف. ة-
، عقيفة ،،، اسم غريب وعرفت كمان إنهم جايين على نفقة بلادهم عشان يدرسوا في مصر
نيجي بقى للمفيد
[u]سألوني :[/u]
Are u in MEDICINE COLLAE?
I answered , NO,,,, I`M IN DENTISTRY COLLAGE ??
ويا ريتني ما قلت crying ، لأنهم طلبوا مني أوصف مكان الكلية ، أنا في اللحظة دي عقلي يبس معرفش اللي حصل ..
وسكت شوية scratch وبعدين أمت قايلة
MMMMMMMMMMMMMMMM
LOOK!
IMAGINE THAT U ARE STANDING INFRONT OF YOUR COLLAGE & YOUR BACK INFRONT OF THE COLLAGE
THEN ,
TURN RIGHT, YOU ` ll find our collage & pharmacitical collage beside it
Our collage in the middle
قاموا قايلين :
MMMMMMMMMMMMMM
هما أمموا من هنا وأنا أكتم الضحكة ، وابتسم ، كنت هنفجر من الكتمةhappy ،،...الحمد لله نفدت
..............

,وبعدين عرفت إنهم ساكنين عند ال معرض ،وحاجات تانية خفيفة كده
قمت قايللهم
NICE TO MEET U , GOOD BYE
....
لقيت بتاعة المكتبة واقفة بتتفرج ومش عايزة تبيع ..
وتضحك واللي حواليها يضحكوا ، الحقيقة موقف جنان
lol! ....

المدهش كمان إني ما كملتش ، ما فيش أسبوع وقابلت بنتين من نفس البلد كانوا رايحين المؤسسة
ويا عيني عليّ
وعليهم lol!
العربية كلها عمّالة تضحك
لدرجة إن الراجل ما كانش قادر يمسك الفلوس مني من كثر ما ضحك 9090
أصلهم بينطقوا العربي بطريقة غريبة شوية .. حروف كتييييييير بتقع في النصف ؟. ، وكمان عمالين يتكلموا بلغتهم ......بس زي العسل
برده اتكلمنا ووصيت عليهم السواق والحمد لله ...كنت مع السواق عربي ، ومعاهم نجليزي
والنااااااااااااااس تضحك، وهما مش عارفين الناس بتضحك ليه؟؟
واحلوت أوي لما كنا في قويسنا وفكروها المؤسسة، أقلهم
WE are in kwisna??
البنت بقها وجعها مش عارفة تنطفها ، وكل لما تحاول تنطق ، تنسى حرف أو تزود حرف ، كان لقويسنا ساعتها مرادفات كثيييييرة ،،،ههههههههههه،،
النجمة هتخنقني كده ، ربنا يستر afro
وأحلى حاجة بقى شلة الأنس اللي قاعدة قدامي ..
أأقل للراجل : لو سمحت قول للسواق ينزلهم المؤسسة هما مش عارفين ، ده يضحححححححححححححححك
ويككككككككككككهههههه
،،،
راجل رهيييب، هو وصحايه
إلا أنا بقى
مش عارفة أتكلم من ضحك الناس. ، والأدهى إني نسيت إنهم مش عارفين عربي، كنت في الأول بشتهجى قويسنا بحروف العربي ،،، 544 ..الحمد لله
الحمد لله أوووووووويييييييييي،،،
.....
يومييين مسخرة
كنت أهبل فيهم
يوميها طول ما أنا ماشية في الشارع أعدت أضحك
ولما حد ياخد بالوا مني أقوم عملة 111، مكشرة يعني ،،،
كِملت
الناس تقول إيه ، البت اتجننت smile

تمت بحمد الله
يا رب ما تكونوش زهقتم

في أمان الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
The Fighter
عضو نجم
عضو نجم
avatar

ذكر عدد الرسائل : 142
العمر : 30
تاريخ التسجيل : 07/03/2008

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الأحد أبريل 26, 2009 6:43 pm

ايه الحلاوة دي هيا الاسرة مالها مهيسة اليومين دول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
السنبلة المستظلة
عضو نجم
عضو نجم
avatar

عدد الرسائل : 291
تاريخ التسجيل : 05/12/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الثلاثاء أبريل 28, 2009 2:38 am

دي حقائق يا دكتور ، تضفيها الحياة ، لتضيف لذة في العمر
منتظريييين مواقفك أو بالأحرى طرائفك ...
....
طبت بسلام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
The Fighter
عضو نجم
عضو نجم
avatar

ذكر عدد الرسائل : 142
العمر : 30
تاريخ التسجيل : 07/03/2008

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الأربعاء أبريل 29, 2009 12:02 am

انا مش عايز اقول مواقفي عشان دي تنكد مش تضحك يمكن انتوا تضحكوا انما انا اكيد لا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
السنبلة المستظلة
عضو نجم
عضو نجم
avatar

عدد الرسائل : 291
تاريخ التسجيل : 05/12/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الجمعة يونيو 26, 2009 1:51 am

السلام عليكم ورحمة الله وبركانه
............................
طبعا أنا هنا هحكيلكم على موقف حصلي صباحية امتحاااااااااااااااااااان أعمال السنة
................
بما إني كل يوم بركب من قويسنا وأنزل كفرعصاااااااااااام
فبضطر طبعا أطلع السللللم عشان أعدي الكوبري وأوصل للجامعة
المهم وأنا طلعة السلم ....ألاقي مين في وشي ..؟؟؟

.
الواحد يقابل بني آدم زيوا .. قطة مثلا ...أي حاجة من الأحجام اللي متعارف عليها يعني
..لا أنا
قابلت حمااااااااااااااااار lol!
واخدين بالكوا ()Donkey
..نااااااااااااااازل على السلم ..وأنا طبيعي بطلع موطية راسي في الأرض.. فبرفع راسي ألاقي هذا الحيوان قارب على أن يمسني ..عيني جت في عينيه...
وجلده كاد أن يلمس جلدي angry
يااااااااااااااااااااااااه...قشعرت والله
لأ والجميل أكثر
إن السايس بتاعه بيقلي ما تخافيش ...ما تخافيش ،، سيبيه ينزل..
كنت عايزه أقوله هو أنا ماسكاه ..ما هو مستمر في النزووووووووووووول ومش شايف قدامه
ده لولا إني رفعت راسي
أعتقد إني كنت طرت على أول حدود السلم ..-أو بالأحرى خدت رفسة من حيوااااااااان أنا ما عملتلوش حاجة غير إني وقفت في طريقه
يلا الحمد لله
...
ده غير بقى وأنا في الطريق ...
المفروض إن إحنا بنعدي على بركة السبع ...وطبيعي طبيعي السواق بيوقف عشان ينزل ناس ويركب غيرهم
المهم أنا اللهم اجعلوا خير ..كنت بنزل وااااااااحد
فجأة لقيت نفسي على الرصيف
قعدت على الرصيف crying ،، والبنت اللي عمالة تزق بتقولي خليكي ورايا ...خليكي ورايا إيه
ده أنا قعدت خلاص ....يعني يعني...لا تعليق .........هييييييييييييييييه
الحمد لله
ل...........
ودي عجااااااااااااااااائب الموصلات
إلهي ما يوريكوا ...
الحمد لله
الحمد لله...ربنا بس يكرمنا
...............
وإلى اللقاء مع عجااااااااائب أخرى
في أمان الله ..

....
تخيل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
abdelrahman_eldeeb
عضو مميز
عضو مميز
avatar

ذكر عدد الرسائل : 502
العمر : 29
تاريخ التسجيل : 19/11/2007

مُساهمةموضوع: رد: مواقف وطرائف... لالالالا ,ده برنامج تانى غير الكاميرا الخفية   الإثنين يونيو 29, 2009 1:31 am

فى يوم من الأيام كنت رايح الكلية ، وما كنتش لسة قعدت فى طنطا ، المهم طبعا انا كسول جدا ، وبنزل بدرى وانا مش شايف قدامى ، ركبت مواصلة داخلية اللى هتوصلنى للموقف ، المهم مالقيتش مكان فاضى غير جنب بنت شكلها قدى أو اكبر منى يعنى فى سننا كده ، المهم رحت قاعد جنبها ، وعادى الأمور طبيعية خالص ، لقيت البنت بتدفع للسواق وبتقوله واحد يا أسطى ، وبعدين راحت بصالى وقالت لى خلاص ما تدفعش ، أخوكو طبعا جاب ألوان وجاز ، وبعد ماكنت نايم صحصحت ، قولتلها شكرا بس خير ، قالت لى انت مش عارفنى؟! ، قولتلها لا ، قالت لى انت بن عمو خالد صح ، انا بدأت اهدى ، طالما عمو خالد يبقى فى معرفة ، الموضوع مش خطير يعنى ، قولتلها مظبوط ، قالت لى انا بنت الدكتور "... " ، اهلا وسهلا وبتاع وشوية ترحيبات ، وازاى حضرتك تدفعى ، ده واجب علينا وبتاع ، قالتلى انت محمد ؟ ، قولتلها لا عبدالرحمن ، قالت لى ياااااه عبدالرحمن ده انا كنت عارفاك وانت صغنون خالص ، lol! lol! lol! ، طبعا انا اتفتحت فى الضحك ، قولتلها العيال كبرت بقى lol! lol! ، قولتلها هو حضرتك فى سنة كام قالتلى فى رابعة ، قولتلها يعنى حضرتك أكبر منى بسنة ، ماشاء الله ، المهم شوية حوارات ، وانا فى كلية ايه ، و هى فى كلية ايه ، وشوية حبشتكانات ، اونزلت ..
طبعا انا مشيت ، وقعدت اقول يا ترى انا لسة نايم ولا الموضوع ده بجد ، اللذيذ ان انا اصلا ما بكلمش بنات ، بس سبحان الله فعلا البنات بقوا أجرأ كتير من الصبيان ، هى صحيح ما عملتش حاجة غلط لأن فعلا والدها صاحب والدى جدا ، بس انا لو عكست الأدوار وانا اللى عرفتها الأول عمرى ماكنت هسلم ولا اى حاجة ....
هيييييييييييه ، بينى وبينكم موقف محرج جدا ..
بس أهو أدينى وفرت يوميها تمن مواصلة lol! lol! lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.3abdelra7man.blogspot.com
 
مواقف وطرائف... لالالالا ,ده برنامج تانى غير الكاميرا الخفية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: مستقبلنا العام :: حوارات-
انتقل الى: