موضوع: ايهما اصعب....؟؟؟ الثلاثاء مارس 11, 2008 12:56 am
بسم الله الرحمن الرحيـــــــم
ماذا تفعل عندما يبتعد عنك اعز الناس ويتركك تائهاً وحيداً.... ليس لك طريق تسلكه ؟
عندما تبحث عن شخص يفهم تصرفاتك وافعالك ويناقشها معك.... لم تجد ؟
لم تجد من يمد يد العون لك ؟؟؟.
الجميع بعيدين عنك بمشاغلهم ؟؟؟
عندما تصدم بصاحبك وعزيزك؟؟
عندما يخونك ؟؟
عندما يجرحك ؟؟
عندما يواجهك مأزق فلا نجد اعز الناس بجنبك ؟؟
عندما تفقد الأمل وتحس بالوحده وانت بأمس الحاجه لوجودهم ؟؟؟
فأيهم أصعب؟؟؟؟؟؟؟؟
فقدان عزيز ؟ أم خيانته ؟ أم جرحه لك ؟؟
انتظر أرائكم وردودكم
abdelrahman_eldeeb عضو مميز
عدد الرسائل : 502 العمر : 35 تاريخ التسجيل : 19/11/2007
موضوع: رد: ايهما اصعب....؟؟؟ الثلاثاء مارس 11, 2008 7:16 pm
بالتأكيد كل تلك الامور صعبة على النفس البشرية ، لكن من وجهة نظرى ،فقدان عزيز هو أصعبهم، لماذا ؟ لان صديقك إذا خانك أو جرحك فبمرور الزمن سيلتئم جرحك وستنسى هذا الشخص أو بمعنى آخر ستتناساه لان كرامة نفسك تجبرك على هذا ولأن الحياة لا تتوقف على شخص مهما كانت مكانه طالما انه باعك أما إذا فقدت عزيزا فستعيش طوال حياتك تـُمنـِّى نفسك يوما بعد الاخر برؤيته لان آخر لحظاتكما معا كانت لحظات سعيدة ،ولأن آخر أوقاتكما معا كانت كلها حب ومودة ، فكلما تذكرته بتلك اللحظات اعتصر قلبك ألما لفراقه
جزاكم الله خيرا أختنا الفاضلة على المواضيع النكد دى ، قلبتى المواجع
twolights عضو جديد
عدد الرسائل : 13 تاريخ التسجيل : 22/01/2008
موضوع: رد: ايهما اصعب....؟؟؟ الثلاثاء مارس 11, 2008 9:25 pm
سورى على الموضوع النكد ده يا عبد الرحمن بس انا كان اصدى اخدم وبس....هههههههه ع العموم ميرسى على مرورك وتعليقك الجميل
وانا راى ان اصعب حاجه الخيانه لانها بتوجع اوى وخصوصا لو كانت من حد قريب او عزيز بالنسبه ليا....وعمرى ماقدر انسها وجرجها لالالالالالالايمكن يتلائم عندى
adel_rehab عضو نجم
عدد الرسائل : 115 العمر : 36 تاريخ التسجيل : 22/11/2007
موضوع: رد: ايهما اصعب....؟؟؟ الخميس مارس 13, 2008 9:10 am
انا من راي الاخت لان الخيانة شيئ صعب جدا علي اي انسان و بالاخص من القريب اما لو فقدت شخص عزيز هتفضل تفتكره بالخير و تمني نفسك انه ان شاء الله في مكان احسن اما الجرح فدا شيء عادي هيحصل طول الوقت بين الاصحاب و الصدقاء وبالوقت هيعدي
dr_lala عضو جديد
عدد الرسائل : 9 تاريخ التسجيل : 08/04/2008
موضوع: رد: ايهما اصعب....؟؟؟ الثلاثاء أبريل 08, 2008 11:28 pm
انا من رايك يا توتا ان فعلا الخيانه اصعب لان المفروض انى اللى يخون ده (من وجهة نظرى)انسان لايعتمدعليه لان يكون صديق او ان يكون اى علاقه صادقه بينه وبين اى حد
دقات قلب عضو نجم
عدد الرسائل : 185 العمر : 34 تاريخ التسجيل : 08/07/2008
موضوع: رد: ايهما اصعب....؟؟؟ الثلاثاء يوليو 08, 2008 1:47 pm
الموضوع جمييييييييييل جدا وأشكرك عليه و بصراحه رأيي أن فقدان عزيز هو أصعب شيء ع الاقل بالنسبه لي لأني بنسى الجرح بسرعه باعتباري انجرحت بس محدش قبل كده خانني و اعتقد ان لو حد خانني هنسى خيانته مع أول اعتذار له أو بمجرد ما افتكر له شيء كويس واكيد وقت النسيان هيختلف من مصيبه لأخرى. والاختلاف ف الرأى رحمة بيننا
the moon عضو جديد
عدد الرسائل : 34 تاريخ التسجيل : 11/07/2008
موضوع: رد: ايهما اصعب....؟؟؟ السبت يوليو 12, 2008 3:50 pm
وعدت نفسى منذ ان فتحت هذا المنتدىوقرات هذا الموضوع ان يكون هو الذى ابدا به.واخيرا وبعد طول عناء مع التسجيل جاء اليوم الذى احقق فيه الوعد.وذلك لاننى مررت بالتجربتين.ففقدان عزيز لايماثله شى فى الوجود وليس كما يقال ان نسيانه ياتى بمرور الايام وربما السنين .فكيف ننساه وكل شى حولنا يذكرنا به!وكيف ننساه ولدية بداخلنا كم من الذكريات لا يعد ولا يحصى.وبالنسبة لخيانة صديق فمن السهل ان تنسى بمرور الايام او بالاعتذار من الجانب الاخر او لو كانت الخيانة شديدةفلا يستحق هذا الانسانالحزن عليه (وعذرا على الخطا او الاطالة)
بومبه عضو جديد
عدد الرسائل : 14 تاريخ التسجيل : 13/07/2008
موضوع: رد: ايهما اصعب....؟؟؟ الأحد يوليو 13, 2008 1:15 pm
هي الصورة بتاعت البنت دي قريبتك ؟؟؟؟؟؟؟
dr_coval عضو نجم
عدد الرسائل : 319 العمر : 35 الموقع : اللهم ارزقني حسن الخاتمة تاريخ التسجيل : 16/11/2007
موضوع: رد: ايهما اصعب....؟؟؟ الإثنين يوليو 21, 2008 12:53 am
فى اعتقادى بالترتيب الخيانة- فقدان عزيز - جرحه لك
لأن الخيانة مبتتنسيش او حتى لو اعتقدت انك نسيتها فبمجرد انك تسمع مثلا اسم الشخصية دى او تفتكر حاجة ممكن تفكرك بالشخصية دى فبنفتكر اللى حصل وتكتئب بقى وممكن حد يعيط وندخل فى سيناريو تانى
انما الجرح ده من وجهة نظرى اسهلهم لانه ممكن يتنسى , ممكن نعتذر لبعض ,ممكن نكبر دماغنا ونفوت كده يعنى الحياة بتمشى
انما فقدان العزيز هو شىء صعب ومش بيتنسى بردو ممكن نقول بمعنى اصح (اننا بنتلهى) حلوة دى واه هنتعصر ونعتصر زى ما د.عبد الرحمن بيقول بس على الاقل فى الاخر بنقول الله يرحمه او الله يرحمها كان حد كويس , بس احنا بقى ممكن نعمل حاجة كويسة كل ما نلاقى نفسنا داخلين خلاص عاى اعتصار ممكن نعمل للحد ده حاجة كويسة دعاء ,صدقة جارية........... الخ كده يعنى
من وجهة نظرى العميقة الشنيعة المنيعة انه الاصعب ان حد يخونك ويموت بعديها قبل ما تتصالحوا
twolights عضو جديد
عدد الرسائل : 13 تاريخ التسجيل : 22/01/2008
موضوع: رد: ايهما اصعب....؟؟؟ الجمعة أغسطس 29, 2008 7:21 pm
ميرسى يا شباب على مروركم الجميل نورتوا التوبيك
عاشقه الجنه عضو جديد
عدد الرسائل : 11 تاريخ التسجيل : 18/10/2008
موضوع: رد: ايهما اصعب....؟؟؟ الثلاثاء نوفمبر 11, 2008 5:15 pm
والله كلها مواقف صعبه جدا بس اصعبها هي الخيانه لان جرح الخيانه لايمكن يتنسي ابدا