جربت مرة الانفصام في الشخصية!!!! أنا بقى جربته D:

السلااااااام عليكم ورحمة الله تعالى وبركاته

أظن دلوقتي محدش هيصدق اني بكتب موضوع هنا

لانكم ذاليني بالموضوعين اللي ليا في سحر البيان

بس انا هكيد الاعادي وانزل مواضيع جديدة

........

المهم بقى ايه حكاية الانفصام دي

ماتخافوش ماتخافوش هو اللي عندي مش انفصام اوي يعني

امال ايه الموضوع

الموضوع ببساطة شدييييييييييدة هو

جربت مرة تعامل نفسك على انها شخص تاني؟؟؟

طيب بشكل اوضح

جربت مرة تقييم نفسك بشكل محايد ؟؟؟

مااااااااااشي اووووضح

جربت مرة تقيم كلامك وتصرفاتك على انها كلام وتصرفات حد تاني ؟؟؟

متهيالي مفيش اوضح من كدا خلاااااااااااص

طيب ايه الهدف من الكلام دا

الهدف اننا لما بنيجي نحاسب نفسنا بالطريقة العادية اللي بنتمثل فيها

(حاسبوا انفسكم قبل ان تحاسبوا وزنوا اعمالكم قبل ان توزن عليكم)

كتيييييير اوي بنبقى غير منصفين

اما بالتغاضي عن بعض الاخطاء او بالجلد الزائد للنفس

وكلا الحالتين غللللللللللللط

ايووووووووون غلط وماتخلونيش اعلي صوتي

طيب دلوقتي وببساطة خالص

هديكم مثال على كلامي ودا انا جربته شخصيا

صحيح في جزء محدود من السلوكيات ولكن كانت تجربة ذات مذاااااق خااااااااص

عملت ايه بقى .. صلوا عالنبي

عليه الصلاة والسلام

جيت في منتدى من المنتديات اللي مشتركة فيها وكلللللللللل البني ادمين عارفني وواخدين على بعض وكدا

وعملتلي يوزر تاني محدش يعرفه

غيييييييرت اسمي خاااااااااااااااااالص بعيد عن كل الاسماء اللي بختارها
ومعلومات بروفايلي وعملت لليوزر دا ايميل جديد مخصوص
وطريقة كتابتي كمان خيرها من حيث الاسلوب ومن حيث التنسيق (الخط والالوان)
والتوقيع والصورة الشخصية وكللللللللله

المهم
طلع في الاخر شخصية تانية خاااااااااااااااااااااااااااااااالص

طيب ايه الهدف من كدا

اني اتخفى مثلا ؟؟!!!!

لا مش كدا

كان الهدف ليا انا

اني اتخذت لنفسي قناعة اني لما هستخدم اليوزر دا هتعامل على اني عضوة جديييييييدة خالص
واللي هيساعدني على كدا طريقة تعامل الاعضاء معايا لانها هتختلف اكييييييد عن اليوزر التاني اللي كلهم عارفني بيه من زمان

ولما اجي استخدم اليوزر الاولاني هحس ان البني ادمة الجديدة دي غريبة علينا هنا وهتتعامل معاها كدا

ومش هتصدقوني لو قلتلكم اني بقيت اقرا كتاباتي ومواضيعي كاني بقرا لحد تاااااااااني
لدرجة اني بقيت انقد نفسي واطلع لنفسي اخطاء
وارجع ارد عليها واناقشها في النقد
هههههههههههههه
>>>>>>>> مهفوفة والله

بجد يا جماعة حسيييييييييت احساااااس مختلف

حسيت ازاي االناس بتشوفني وانا بالنسبة لهم ببقى ايه

واخطائي دي ممكن تتفهم ازاي

احيانا كتييييييير بعمل واكتب حاجات شايفة انها عادية وكويسة وحلوة
في حين انها ممكن تكون سيييييئة جدا لناس تانية
>>>> مش معنى سيئة انها مش عاجباهم فقوم انا بدون شخصية امشي على هواهم
لا معناها انها غلط فعلا بس انا كنت شايفاها صح

وممكن اكتب حاجة واحس اني كدا غلطت اووووي ومكنش لازم اعمل كدا
او انها مش حلوة اوي
في حين انها ممكن تكون رااائعة جدا وممتازة

مش عارفة هتستفيدوا ايه من كلامي دا

بس حبيت اعرض عليكم التجربة عشان اسمع رايكم فيها
وفي كل ما يخص الموضوع

- محاسبة النفس
-اسلوب التقييم والمحاسبة
-علاقة سلوكنا وكلامنا باللي حوالينا
-الصدق والمحايدة مع النفس

واي نقاط اثارتها التجربة في اذهانكم
ياريييييييييت تشاااركوني الرااااااااي

والسلااااااااااااااااام عليكم ورحمة الله وبركاته

طبعا أختى الكريمة
أثار كلامك هذا العديد والعديد من التجارب لدى سأقص عليكم أحدها.
فأنا بطبعى شخص كتوم جدا ، معظم أسرارى لا يعلمها أحد إلا الله عز وجل ، وهذه الصفة صعبة جدا جدا ، لان كتم السر هم فوق الهم ، فالسر وحده هم وكتمه هم آخر ، لكننى مقتنع جدا بالحكمة التى تقول
"إذا ضاق صدر المرء بسر نفسه ... فصدر الذى أودعه السر أضيق "
المهم انه تأتى على بعض اللحظات التى أجد نفسى فيها وكان جبالا ثقالا وضعت على صدرى ، حتى هدانى الله عز وجل الى طريقة للتنفيس بها عن همى ، وتعلمت هذه الطريقة من أحد أقرب أصدقائى .
فقد دلنى صديقى هذا على مكان إسمه الصخرة ، وهو عبارة عن صخرة فى النيل فى أقصى مكان فى بلدنا ، حيث الهدوء القاتل ، فلا حركة ولا صوت ، أذهب هناك كل فترة ، أو كلما ثقلت على الأسرار . وأبدأ فى الحديث مع نفسى ، وكأننى شخصان يحادثان بعضهما ، حتى أصل فى بعض الأحيان الى اننى أتشاجر مع نفسى لشدة اختلاف الرأين الذين أطرحهما حول الموضوع ، أجلس على هذه الصخرة ماشاء الله لى ان أجلس ، النيل تحتى والقمر فوقى ، وانا ونفسى نتحادث سويا ، نحكى لبعضنا الهموم ، ونحاول أن نجد حلا لمشاكلنا ، وبعد ذلك ، والله أشعر براحة لا أستطيع أن أصفها بالكلمات ، وأشعر أن جبالا من الهموم قد إنزاحت عن قلبى ، وعادة مايوفقنى الله عز وجل الى أن أجد حلولا لمعظم المشاكل التى تواجهنى ، بل والأغرب من ذلك أننى أشعر وكاننى كنت أجلس بالفعل مع شخص آخر .
جربوا هذه الطريقة وأدعوا لى .
تحياتى أيتها النجمة
فقد أعاد موضوعك لى ذكريات جميلة .
ومن الواضح أيضا أن المنتدى أصبح لى ولك فقط ،هههههههه ، لا أعلم أين ذهب الجميع ؟!
ملحوظة صغيرة أيتها النجمة : كلمة يوزر معناها مستخدم ؟هههههههه

ماشاء الله

جيد لقد اخرج لنا الموضوع تجارب رائعة

يبدو انني لست وحدي الـ مهفوفة

D:

اما عن يوزر فوالله وانا اكتبها قعدت افتكررررررررر افتكرررررررر واعصر في مخي
بعدين قلت هكتب اسم المستخدم >> طويلة اوي
هههههههههههه

بس جزيت خيرا على التذكرة
مش هقولها تاني

والله مش عارف اقول ايه
بس انا سعيد ان في الدنيا ناس مهافيف زي
اصل انا ساعات كتير اقعد مع نفسي و اتكلم لغاية ما احس ان انا خلاص
عندي فصام ده غلط لا صح
انت غلطان لا انت كنت علي جق
وفي الاخر ربنا بيوصلني لاحسن الحلول

علي فكلرة دي حاجة صحية مش هاتضر

ههههههههههه
فكره حلوه والله بس انا ماجربتهاش خالص قبل كده
بس انا اه بحاسب نفسى فى نفسى لكن اكلم نفسى واتناقش كده على الهوى ماحصلش بصراحه عموما نجرب Basketball

ما شاء الله
واضح إن الاسرة طلعت كلها لاسعة

انا بقى احكلكم قصتى مع الموضوع دا.كنت مرة بالعب مع تلاتة اصحابى لعبة الصراحة بجاحة(والله يا جماعة دا اسم اللعبة). المهم كان السوال عن عيوب ومميزات كل حد فينا.وجا الدور عليا لاسمع عيوبى ومميزاتى.المميزات عدت بسلام وجانا على العيوب المهم ان التلاتة اجمعوا على عيب معين فيا لغاية هنا عادى(كل واحد فينا لية عيوبه) المشكلة بقى ان العيب دا بالذات انا كنت فاكره اهم ميزة فيا .وكنت فرحانة بية جيدا .................... قعدت افكرواقول لهذه الدرجة مكنتش فاهمة نفسى.

لا حول ولا قوة الا بالله
الناس جرالها ايه ؟؟؟؟؟؟؟؟؟؟؟
مين البنت الي فوق دي يا جماعة ؟؟؟؟؟؟؟؟؟؟
لو حد عارفها ينوبه ثواب ويوديها لدكتور الهي يصلح حالكم
يا خسارة المنتديات يا جدعان

بسم الله ما شاء الله لا حول ولا قوة إلا بالله

كنت فاكرة انى انا الوحيدة اللى فيوزاتى ضربت خلاص بس مطلعتش لوحدى

بما إنى أنا ونفسي أصحاب من زمان ففى دايماً موقف ظريف نتعرض ليه ألا وهو بما إنى أنا وهي (نفسي ) رغايين (بنتكلم كتير يعنى مع بعض)

أحياناً أنا وهى بننسجم أوى فى الكلام وببدأ ألاحظ ده (الانسجام يعنى) من تعبيرات وجوه الناس اللى ماشيين فى الشارع ,بيبقى موقف ظريف ببقى عايزة اقولهم اوعوا تفهمونى غلط

بس من وجهة نظرى وفعلا زى ما قال د.عادل هى حاجة صحية جدا