كونان يصيح " لقد وجدتها ، لقد وجدتها "

بعد مارجعت من الكلية يوم حفل الاستقبال ، وأنا فاتح المنتدى كده فى لحظة تهييس ، سرحت فى اليوم وفى أحداث حفل الاستقبال ، فجأة فى حاجة علقت فى دماغى ، فعينى راحت مبرقة ، زى ما كونان كان بيعمل كده ، وقلت المشكلة دى لازم يبقى ليها خيوط ، أخدت العدسة المكبرة الفظيعة بتاعة كونان برضه ورحت داخل فى قسم الاجتماعيات ، وفاتح موضوع السجل المدنى ، وبعد ماتأكدت شكوكى ، وعرفت ان الواد كونان سايب رجالة وراه ، اللى هم أنا ، طلعتلكم بباكورة اكتشافاتى للجريمة قصدى اكتشافاتى مش للجريمة، وساعتها قلت فى قرارة نفسى " حسنا ، لقد وجدتها ، لقد وجدتها " زى ماكونان كان بيقول برضه....
الدكتورة اللى كانت مع د. آية شهاب واللى كانت معانا لحد آخر الحفلة خالص وسجلت كمان فى الأسرة تبقى دقات القلب ، د. إيمانآن آن آن
عايز حد فيكم بقى يقولى انه كان عارف وانا هاولع فيه ، ماهو مش معقول المجهود اللى انا بذلته ده كله يطلع فى الآخر على فشوش...
وانا طبعا متأكد من إنى محق فى اكتشافى ، هو كونان بيغلط ياجدعان ؟!!!
المهم ، ان كنت أنا محق يا دقات ، فأنا بجد زعلان منك جدا لإن حضرتك عارفة ان اعضاء الاسرة كلهم كانوا عايزين يتعرفوا عليكى ، فكان المفروض تعرفينا انك دقات القلب على طول ، لان حضرتك عارفة انك بقيتى واحدة مننا واختنا من غير مانشوفك ، فلما نشوفك تبخلى علينا بإنك تعرفينا ، بس على ميييين ؟! المعلم كونان مالوش حل صاحى ومصحصح حتى من غير مايكون نايم من يومين
أما بقى إذا ماكنتش على حق ،و ان الدكتورة مش الدكتورة ايمان ولا حاجة ، فأوعى حد يقولى ، سيبونى أعيش اللحظة ، وكمان أسبوع كده ولا حاجة يبقى عرفونى .

وكل واحد فيكم يطلع 5 جنيه حق الاكتشاف ده .
يخربيت المادية المعفنة دى ، طبعا ياجماعة أنا بهرج ،، 4 جنيه حلو أوى .
سلام

قريبة
بيعجبنى جدا أسلوبك فى الحوار ، لأنى ماببقاش عارف انت بتهزر ولا بتكلم بجد
ربنا يهديك