شعر عامى المره دى (مش حارماكم من أى حاجه)

انا فشلت قبل كده فى شعر الفصحى لذلك كتبتلكم دلوقتى بالعامى وادينى بجرب حظى معاه هوه كمان اما نشوف

اتمنى انه يعجبكم
كل الناس حبه زاتك
إلا زاتك
كارهه إنك
تبقى نفسك
نفسها تنفض مشاعرك
حبه تطوى فى قلبها
صفحة حبايبك
كله عايز
أيوه عايز
إلا زاتك
بس جايز
تبقى عايزه فى يوم لكنك
انطفت شمعة إرادتك
اللى دايما تبقى ضدك
اما قلبك
ليك معادى
نفسه يبقى
قلب عادى
يحب وكل الناس تحبه
بدون ماينفخ فى الزبادى
بس مين وانت بنسوه
بتفتكرلى الرحمة قسوه
وان شيطانك قالك ارمى الناس بحصوة
بترمى حصوة
اما فكرك
اللى كان
نوره نورك
من زمان
حاسس ان الضلمه غطت عالمكان والحيطان
الحيطان اللى بنيتها بقسوتك
سدت بيبان الخير
اللى وراها سكتك
حتى نورك دنيتك
صارو نارك قسوتك
حتى شموعك
اللى كانت نور لليلك
حرقتك Crying or Very sad

ليه التشاؤم ده وإذا أخذت رأيي أنت لم تفشلي في الفصحى وانا شخصيا أفضل الفصحي في كل الاحوال
الى الامام يا د.بحر

د مالك شكرا على مرورك وشكرا على تشجيعك ليا بس برضه حضرتك ماقولتش رايك فى الشعر ده

موش هعرف أقولك رأيي في الشعر العامي عشان أنا موش بعرف أتذوقه
معلش بقه المرادي بس الكلام شكله حلو What a Face

مـــالك كتب:: موش هعرف أقولك رأيي في الشعر العامي عشان أنا موش بعرف أتذوقه
معلش بقه المرادي بس الكلام شكله حلو

اه ماشى ماشى
على العموم شكرا على مرورك
thnxxxxxxxxxxxxx

بسم الله الرحمن الرحيم
جميله بجد وعجبنى نقدك لهذه الذات الكارهه لنفسها
بس حاولى تخليها تحب نفسها
وانا شخصيا بحب جدا الشعر العامى

جميلة يادكتورة آية كأسلوب , لكن سوداوية أوى يعنى تشاؤمية , يعنى تحسى بالاحباط لما تقريها , وده فى حد ذاته بيبقى نجاح للاسلوب لانك أثرتى على نفسية القارئ , بس يارييييييييييييييييييييييييييييييييييت تكونى متفائلة أكتر من كده , وعلى فكرة كلمة ذاتك بالذال مش بالزاى . ربنا يبارك فى حضرتك , ومستنى المزيد

abdelrahman_eldeeb كتب:: , لكن سوداوية أوى يعنى تشاؤمية , يعنى تحسى بالاحباط لما تقريها ,

عندك حق هي محبطه فعلا انا شخصيا احبطت لمل قريتها تانى دلوقتى

وعندك حق برضه فى موضوه الذال بس اصل ده شعر عامى بقه والواحد مابيصدق يخرج من دايرة اللغه والنحو
شكرا على المرور وشكرا على النقد
thnxxxxxxxxxxxxxxxx

الرحالة كتب:: جميله بجد وعجبنى نقدك لهذه الذات الكارهه لنفسها
بس حاولى تخليها تحب نفسها

هحاول

شكرا على المرور وان شاء الله نكون عند حسن ظنك دايما

thnxxxxxxxxxxxxxxxx

لأ مش معقول واحدة تكون قالت الشعر دة تكون فشلت قبل كدة
متقوليش كدة انا بجد قريت كتير بس ملقيتش زي شعرك ( بالنسبة لسنك طبعا )
ب بس هو كان ناقصه حاجة واحدة بس وهيا إني أرد عليه وأديني رديت
أظن كدة محدش يقدر يتكلم : موضوع كامل متكامل

رؤى الغريب كتب:: متقوليش كدة انا بجد قريت كتير بس ملقيتش زي شعرك

طيب فرى كده فى الاشعار التانيه اللى فى المنتدى هنا وانتى هتغيرى رأيك

شكرا على المرووووووووووووووووور
thnxxxxxxxxxxxxxxxxx

» ازازه حاجه ساقعه (حلاوه ما دخلت المنتدى)