السجل المدنى بتاع المنتدى ...أقف فى الطابور ياأستاذ

انا واعوذ بالله من كلمه انا اسمي محمد وانتوا عارفين الباقي

انا بيتهيألي اني طالب في كلية طب الاسنان جامعة طنطا
انا والدي مهندس زراعي(وللأسف خريج جامعة المنوفية) بس شغال في وزارة التربية والتعليم ناظر مدرسة الزراعة
اما والدتي فهي مدرسة اولي أحياء بس هي خريجة كلية علوم مش تربية
عندي 3 اخوات
اسماء.........طالبة بهندسة طنطا (ف1 قسم حاسبات واتصالات)
عمر.........3ثانوي
عبد الرحمن.....في سنة رابعة ابتدائي(اخر العنقود وده الوحيد اللي في الازهر فينا)


انا لوني المفضل هو اللون الاسود واللون السماوي وبعض درجات الازرق وكمان بحب الابيض والوردي لكن الاسود هو سيد الالوان.

اما هواياتي:فالقراءة احسن حاجة بحبها بحب اكتب شعر(علي قدي)
وطبعا الرياضة بحب الكراتيه ومعايا الحزام الاسود دان 1 وكمان الكونغ فو والاثنين كنت بلعبهم في نادي الشبان
بحب الطايره وبكره كره القدم جدا

اما الفن فأنا بحب فيروز جدا وبحب كاظم زمان وبحب عمر خيرت وكمان بحب علي الحجار في اغاني المسلسلات اما اسامة انور عكاشه ومحمد صفاء عامر من احسن المؤلفين وعاطف الطيب بعتبره احسن مخرج عربي منذ نشأه السينما العربية
وفي الممثلين بحترم محمد صبحي جدا جدا وعبد الله غيث واحمد عبد العزيز

بحب المناظر الطبيعية جدا بحكم البيئه اللي عشت فيها وممكن اقعد ساعتين او تلاتة باصص للسما
وبعشق منظر البحر في الشتاء



اما عن قدوتي فمش عارف انتوا عارفينه ولا لأ بس انا قدوتي الفريق سعد الدين الشاذلي
والفريق عبد المنعم رياض

امنيتي الكبيرة مبحبش اتكلم عنها كتير بس اكيد نفسي ادخل الجنة ...بس انا نفسي اصبح قائد كبير في قيادة اركان القوات المسلحة عشان كده نفسي ادخل الاكاديمية الحربية

بحب التمثيل والغناء وبيقولوا ان صوتي كويس
في الانشاد انا بعشق احمد ابو خاطر واخيرا خالد ايوب


نفسي اغمض عين وافتحها الاقي مصر والدول العربية هي مركز الحضارة العلمية زي زمان
بحب لما اروح مكان اغير فيه للاحسن واسيبه وانا سايب فيه ذكري حلوه لان نفسي لما اموت الناس لما تسمع اسمي يقولوا الله يرحمه

نفسي اعمل حاجه للناس اللي مش لاقيه فلوس تتعالج تسمحلهم انهم يلاقوا علاج رخيص ونظيف


بكرة الخيانه خدا



نفسي طبعا اكون طبيب اسنان ناجح ومحبوب ونفسي اعمل حاجه جديده

اما في الكليه انا بجد بعشق دكتور محمد مأمون ودكتور تامر نصر
اما الدكتورة شكريه فبحس انها زي والدتي ولما كنت بشوفها كنت بفتكر ماما لما كنت قاعد لوحدي

وبحب الدكتورة هدي امين والدكتورة ايمان شكل جدا


وبحترم الدكتور رافت اسماعيل بتاع الفزبا جدا

وبكره المعيدين بتوع الفزياء والمعيده اللي كانت بتمشي بعكاز في قسم الكمياء بكرهم من كل قلبي
وفي حد تاني انا بكرهه بس مش عايز اقول اسمه عشان عبد الرحمن ميزعلش


ونفسي الاقي حد يفهمني كويس بس للاسف مش لاقي لان كل اللي عرفتهم لحد الان مش فاهمني
بالدرجة اللي انا اتمنيتها



وكفايه كده عشان انا زهقت وهبقي اقولكم اللي افتكرة بعدين


وشكرا ياعبد الرحمن علي الموضوع الاكثر من رائع ده

انا نسيت اقولكم انا بحب اكل ايه انا بعشق السمك بكل انواعهه انا مجنون بالسمك وكمان بحب العدس وبموت في الكرشة وياسلام علي المحشي وعلي الرز المعمر وبعشق المقلوبة(اكلة شامية متعرفوهاش)
اما الحلويات الرز بلبن والمهلبية وقمر الدين
الفاكهه البطيخ والعنب والموز والبرتقال واحيانا المانجو التفاح بحب الاصفر بس
اما العصير فياسلام علي عصير الجوافه باللبن والموز باللبن وعصير الخوخ وعصير التوت وعصير اليوسفي

وفي هناك فواكه بقالي كتير مكلتهاش ومستني ارجع سينا وادوقها تاني زي الكلامنتينة والقشطة والفرثمون طبعا متعرفوهومش بس يمكن لما اروح اجيبلكم معايا
وانا من هذا المزنأ بحب اقول لهم وحشتوني وحشتوني وياريت ترجعولي وانا بجد حزين وانا بعيد عنكم
بحب اضيف انا برضوا بحب الجمبري والكاليمالري وخصوصا من مطاعم دمياط

انا بقي بكرة السبانخ والقرنبيط والبسله والمكرونة بالشاميل والمكرونه عموما عدا الاسباجتي المشطشطه والفوتوتشيني

وتحية من القلب مني اليكم جميعا

السلام عليكم ورحمة الله
بعد ما المحقق كونان اكتشف شخصيتى الحقيقية
و اصرار الجماهيييييييييير ان تعرف عنى معلومات اكتر
قررنا ان نسجل فى السجل المدنى بتاع المنتدى (حتى علشان نطلع بطاقة )
هههههههههه
المهم ........نبدأ بعون الله:

مرحب بيك يا انس
كده خلاص
البطاقه طلعت
اهلا بيك معانا
ويا رب نكون كلنا اسره واحده
اسره بمعنى الكلمه
نسعى جميعا نحو هدفنا الاكبر
من اعلاء انفسنا اعلاء للاسلام
وفقنا الله جميعا في تحقيق اهدافنا وامانينا
وشد حيلك
عايزين تفوق
وانت كده خلاص
معدتش
تبع اللي تبعه
بقيت
تبع اسرتنا

تعال استلم البطاقه بعد اسبوعين ومعاك الملف اللي انت جايبة فوق ده

بس فى مشكلة
الوصل ضاع منى
هههههههههههههه




وقبل الوداع...... اسألكم الدعاء

يبقي هتدفع 15 جنيه تاني وتعمل الورق من اول وجديد يا خفيف
احنا في حكومة مش هتهزر مع الموظفين بتوع السجق المدني يعني
يا الا ملكش بطاقة عندنا وابقي سلملي عليك في اول كمين يقابلك

الاسم/لولو
السن/14 في ثالثة اعدادي
اخواتي/عندي اخت طبيبة اسنان زيكوا
واخ في ثالثة ثنوي
بابا دكتور في جامعة الازهر هندسة
ماما دكتورة صيدلانية
القدوة/ مش هجاوب ممكن لاني لسه مش عارفاهم
الهوايات/ الرسم على الايديين العزف بس مش قوي الغنا
الهدف/عايزة ابقى مدرسة رياض اطفال في مدرسة نظيفة وادرس لعيال
اممير ومطيعين
اكتر دكتور بحبه -اقل واحد/ بالنسبة ليا انا هجاوب عليه بس هشيل
كلمة دكتور واحط استاذ
انا مبحبيش ولا استاذ وبكرهم كلهم لان
كلهم رخمين
الاكلات الي بحبها/ بحب الاكلات الخفيفة زي المحشي والملوخية

الاكلات الي مش بحبها/كل الاكل بحبه الحمد لله مبغلبش ماما في الاكل
شخصيتي/ يعني مش عارفة بس اخواتي بيقولولي ان هي لسه
متكونيتش وبالاخص اختي بس انا مش مقتنعة

قلت لها ان المحقق كونان هيفقسك
مصدقتش
قال ايه ف امتحانات ومحدش مركز

بارك الله فيك

اولا /انا مش امل شهاب بس انا اسمي امل احمد طه شهاب الدين
ثانيا /المفروض كنت تسيبني افرح بنفسي شوية بس معلش مش مهم
ثالثا /والاهم ان انا كنت بقول ان ربنا يستر على النتيجة
بس انا جبت النتيجة انهاردة والحمد لله ربنا ستر
وجبت مجموع حلو وان شاء الله هطلع
من العشرة الاوائل على المدرسة
وعقبالكوا ان شاء الله ربنا يوفقكوا كلكوا