بسم الله
احم احم
مش عارفه ابدأ ازاي
بس عايزه استشيركم ف حاجه
باعتباركم اسرتي
واصدقائي
والاهم
زملائي ف الكليه تكبروني سنا وخبره ف امورها
اللي حصل يا جماعه
ان في عندنا السنه دي
ماده عسوووووووووووووووله
ولذيييييييييييييييييييذه
اسمها
oral histology
طبعا مش هكلمكم عنها
لانكم ادرى مني بيها
اجمل بقا ما في الماده دي
الشرايح بتاعتها
ويا سلام ع امتحان العملي بتاعها
المهم
كلكم
عارفين انا والاخت ايمان (دقات قلبي )
قد ايه اصحاب
بس انا بقا جايه اشتكي لكم منها
لان احنا اه اصحاب
بس لحد كده وكفايه
اللي حصل
اننا يوم الامتحان
كنا متوترين جدا
ورغم كده انا كت بهديها
ولاننا واقفين عند المعمل من الساعه 11ونص
عشان ندخل اول مجموعه
طبعا طبعا
دخلنا المعمل
ف الوقت المنشود
الساعه2ونص
آآآآآآآآآآآآآآآآآخر مجموعه
ما علينا
دخلنا المعمل
خير اللهم ما اجعله خير
شرايح ليس لها مثيل
لكن المشكله ان الاجابه شئ ليس منه مفر
وليس له بديل
ابص ف السسيسكوب العظيم
وعيني ما تشوف الا النوووووووووور
وسيسكوب منورر نور يعمي
وسيسكوب ضلمه
وسيسكوب اعور بعين وعين لا
وانا بصراحه مش عارفه افرق بين اي حاجه
يا دوب بلحق اكتب اي حاجه
قبل ما الدكتوره هبه
بصوتها المنخفض الهادئ تقول غيروا
فتقطع هدؤها الدكتوره دعاء بصوتها الرناااااااااان
shift
غيروا يا دكاتره متضيعوش الوقت
طبعا لان الوقت ثمين لا يجوز لنا ان نهدره مع مثل هذه الشرائح
كنا بنمشي
وكل ده وانا صابره ومستحمله
لحد ما وصلت عند شريحه بفتيك
قصدي يعني شريحه معرفتش خالص دي ايه
ياريتها كت بفتيك وخلصتني
قعدت اعصر دماغي
apical group of PDL
pulp
ولا ايه البتاعه دي
طبعا مشيت من ع الشريحه وانا معرفش الشريحه
اللي ما تتسمى دي
استخرت ربنا
وهداني تفكيري
وكتبت
compact bone
خرجت من الامتحان
والابتسامه على وجههي
سالتني بعض الزميلات اللي كانوا هيدخلوا بعدي
فرديت
الامتحان بسيط والشرايح واضحه متقلقوش
بس عشان اهديهم
قامت ايمان
قالت
ده امتحان زي الزفت
قعدت اهدي فيها
بس الظاهر تاثير الشرايح كان اقوى من تاثييري
ظل هناك سؤال يدور ف بالي
كت ايه شريحه البفتيك دي
فكرت اسال ايمان
بس حالتها مكتش تسمح
سكت وخلاص
تاني يوم سالتني واحده صاحبتي عليها
قلت لها انا عملتها كذا هي كمان عملتها زيي
سالتني ايمان عملتها ازاي
قلت لها معرفش
قالت لي مش معقول آيه متعرفش ايمان عملتها ايه
قررت اسال ايمان بس ف الوقت المناسب
بس
ايمان بالصدفه بتقولي ده في عيال سالوني عن الشريحه رقم اتنين
فقلت لها انا كمان كت هسالك عليها
انتي عملتيها ايه؟؟؟
مرضيتش تقولي
وبعد محايله وترجي والحاح دامت ربع ساعه
وبعد ما قالت عليا زنانه وناموسه
قالت لي
انها عملتها
compact
قال
compact bone
قال
بجد قولوا لي اعمل فيها ايه
دايما كده محبطاني
ورايا ورايا
حتى الغلطات اللي بغلطها ف اي امتحان تغلط نفسها
وف المحاضرات اللي حته اللي مش اكتبها تطلع هي كمان مش كتباها
والجزء اللي مفهمهوش الهانم كمان مبتبقاش فاهماه
قولوا لي اعمل فيها ايه
؟؟؟؟؟؟؟؟؟؟؟؟ظ