فضفضه

اقتباس :

على فكرة , انا قرأت تعليقات حضرتك على أعمالى فى القسم الادبى , وياريت حضرتك تعذرينى انى مارديتش عليهم , لانى بقعد أكتب بالشمال بقى لحد مابتنقط , فحبيت اقول لحضرتك بس جزاكم الله خيرا على التعليق والنقد , فى أمان الله

و لا يهمك يا دكتور .. و ربنا يقومك بالسلامة إن شاء الله ..
و جزاك الله خيرا ع الدعاء ..
و على فكرة موضوع الكتابة بالشمال دا مصلحة يعني .. بعد كدا هتبقى بتعرف تكتب باليمين و الشمال ..
أنا لما كنت في 5 ابتدائي .. صبعي الأوسط في ايدي اليمين كان متعور.. و مكنتش باعرف أمسك القلم كويس ..
المهم بدأت أعود نفسي امسك القلم ب ( الإبهام و السبابة و الخنصر ) و استغنيت عن الوسطى ( بس رجعتله تاني بعد ما خف يعني ) ..
بس فضل من الموضوع دا اني لغاية دلوقتي باعرف اكتب بالتلات صوابع دول ( الاول و التاني و الرابع ) من غير الوسطى و بيبقى خطي زي ما هو بالظبط ...

اقتباس :

وبالنسبه لسمر عاوزه اقولك الاول ان المنتدى نور بوجودك والله
والف سلامه عليكى وللاسف معنديش حل انا معلوماتى فى الاندو على ادى

شكرا يا آية على ترحيبك ..
الله يسلمك ..
أنا الحمد لله بقيت كويسة ..
و أكلت كويس ..
انتقمت من الآخر يعني ..

بسم الله الرحمن الرحيم
أنا بجد فرحانه انى هفضفض ليكم
احنا يا جماعه لازم نثور وخاصة البنات
هدر حقنا فى المجتمع المصرى كطبيبات اسنان والدليل اثناء جلوسى فى احدى المرات مع مجموعه من المهندسين
وما ادراكم كم السخرية والاهانه التى تعرضت لها
تناوبونى فى التهزئ
بدا اولهم عندما ذكرت امامه اننى فى طب اسنان نظر لى نظره عميقه من فوق لتحت وانطلقت من فمه ضحكه عاليه بلهاء وقالى بجد (قال يعنى مش مصدق) قولتله وانا احاول ان انفخ نفسى بكل الطرق : لا مايغركش المنظر
قالى :بس انتى رفيعه(صغننه) اوى هتخلعى ازاى
رد زميله:تعاطفك لواحده مش كفايه هههههههههههه
قولتله:المساله مسالة تعود ومراس والخلع مش كل حاجه وانا انظر لزميله واقول فى عقلى (يامين يلايمنى على رقبتك يا رزل)
رد زميله الرزل برضه: هيه تلخلخ وتجيب حد يخلع
رد التانى وقالى:ولا اقولك حطى رجليكى فى بطنه وشدى (حسسونى انى بولد المريض)
رد المهندس الكبير بتاعهم اللى بدا التهزئ وقال:هيه دى مشكلة طالبات الاسنان الرقه فى التعامل
رد زميله:لا الرقه دى كمان ما عادتش موجوده قصدك الفشل
كل ده وانا لم انطق ببنت شفه وهؤلاء المعاتيه منهمكين فى الضحك والتأليس وانا اقول فى عقلى (الله يجازى اللى كان السبب)
كان زمانى دخلت صيدله وارتحت لكن برضه ارجع واقول انها ارادة الله عز وجل
لذلك ألم يكن لى الحق أن اقول يجب ان نثور ؟!!!!!!!!!!!!!!!!!!!!!!

مالكم بس يا جماعه
استهدوا بالله
وبعدين وايه يعني ان تفاعلاتنا تبقا زي التلج
اهو ترطب علينا في الصيف الولعه النار ده

لا متقلش كده

معلش بس احنا غايبين عن المنتدى الفتره دي
انا واختي
لاننا مسافرين
وصعب الحصول على نت

ومينفعش نروح سايبر

ولا ايه رأيكم
ينفع يعني

فانشاء الله اول ما نرجع بالسلامه
هنرجع للمنتدى ونرجع له روحه

ما انا قلت لكم انا انشط عضوه ف المنتدى
معجبكوش
شفتوا من غيري المنتدى ايه اللي جرا له
عشان بس تقدروا
وانا مقدرش على زعلكم ولا على زعل المنتدى
هرجع ان شاء الله وانشطه تاني

بس ادعو لي بس ارجع بالسلامه

حقا احسست ف الفتره السابقه ان روحي تنعد عني
احس باختناق دواخلي
منهكه لدرجه ان دموعي لاتجد طاقه هطولها
فتختنق الف دمعه في عيناي
تزيد من اختناقي
احس نفسي يكتم في صدري
احاول ان ازفر صرخه الم
ان اشهق نفس يعيد لي الحياه
تمنيت ان افضفض عن بعض مكنوناتي
تمنيت ان اكمل روحي بما ينقصها
فتكملها روح المنتدى
ولكني كنت بعيده
وتبعدني الظروف اكثر

فاعذروني
فانا كنت مسافره
واعذروني اكثر لاني ساسافر
لكن وعدا مني
اني لن اغب
زحين اعود
ساسترد روحي بروح المنتدى
و سيسترد المنتدى روحه باروحنا جميعا

سنعووووووووووووووووووووووود بروح منتدانا
سنعووووووووووووووووود