النجمة الصامدة المدير العام
عدد الرسائل : 242 تاريخ التسجيل : 27/11/2007
| موضوع: رد: اسأل اللى بعدك الأحد يوليو 12, 2009 2:32 pm | |
| ايه دا
هي البلد لسه بخير والله؟؟
***
بصراحة في مواقف كتير اتعرضت ليها حسيت معاها الاحساس دا بس دايما كان السبب أفراد بمعنى إن مش البلد هي اللي بخير لا لسه (بعض) الناس اللي في البلد بخير
المهم
الموقف اللي فاكراه دلوقتي إن عمي مرة كان رايح اسكندرية وهو عالطريق الزراعي شاف واحدة ست بتجمع فول حراتي باين قام ايه نفسه هفته عليه فركن العربية ونزل وسالها بكام قامت الست قالتله بس افتح شنطة العربية بس وخد اللي انت عايزه قالها مانا هاخد يا ستي بس نتفق الاول الست نشفت دماغها وملتله شنطة العربية عمو قالها طيب بكام بقى قالتله عيب يبني انا مش ببيعه يالا بالهنا والشفا شوف طريقك قعد يتحايل عليها كتير وهي راسها والف سيف ومرضيتش تاخد فلوس فعلا
لما حكيت لأبي وأمي الموقف دا لقيتهم بيقلولولي ان كان زمان في القرى عيب حد يبيع لبن او جبنة او عيش او الحاجات دي كانو بيعتبروه خير من ربنا باعته واللي يحتاجه او نفسه فيه ياخد منه بس عيب ياخدو فلوس على خير ربنا
دلوقتي ماشاء الله بيبيعو المية بس لسه في ناس كريمة وأصيلة وعددهم هيزيد بإذن الله والبلد هترجع كلها بخير
سؤااااالي رمضان قرب جدا بدأت تستعدله؟!! لو اه .. بتستعد ازاي؟؟ ولو لا .. ليه؟؟
| |
|