اسأل اللى بعدك

انا رايى ان اهم شى بعد انه يكون متدين ومستواه كويس هى التفاهم لانهم لو فهمين بعض كويس جيدا ممكن حاجات كتير

تعدى لكن لو مفيش تفاهم من الصعب انهم يكملو مع بعض

سوالى للى بعدى
اة احسن واسوا شى فى الكلية؟

والله و الاسئلة بدأت تحلو اهه
احسن شيئ في الكلية هو الناس اللي فيها سواء طلبة او دكاترة وده من غير اي مجاملة
لاني بجد استفدت من الطلبة كتيييييييييييييير
ولقيت من معظم الدكاترة التسهيلات اللي انا عايزها

اما اسوأ شيئ فهو ضعف الامكانيات

سؤالي هو
امتي ممكن تتنازل عن شيئ عزيز عليك؟؟؟؟؟

مش ممكن ابدا اتنازل

سؤالي

مين الكتور اللي بتحبه في كليتنا

و بتكره فيه ايه؟

دا سؤالللكل

عايز اسمع راي الكل

الدياصتي كتب:: مش ممكن ابدا اتنازل

سؤالي

مين الكتور اللي بتحبه في كليتنا

و بتكره فيه ايه؟

دا سؤالللكل

عايز اسمع راي الكل

ممممممممممم

ليه بس الاحراج ده

بصراحة

فى ناس كتير يتحبوا فى كليتنا

بس عشان مرغيش كتير ممكن اقول اكتر اتنين دكاترة بحبهم فى الكلية عندنا

د/محمد مأمون & د/تامر

بالنسبة بقى للى بكرهه فيهم

خلى الطابق مستور احسن
ممممممممممممم
مش عارفة بس
ممكن فاصل ثم نواصل
هفكر فى الجزئية دى وارجع ارد عليها

ورجعنا تانى

اللى بكرهه فى الدكاترة

بالنسبة لدكتور مأمون هى مش حاجة انا بكرهها فيها هو انا بخاف منه لما بيتنرفز

أما د/تامر بقى
مفيش حاجة بكرهها فيه

سؤالى للى بعدى

ايه اول حاجة هتطلبها أول ما تدخل الجنة ان شاء الله؟

ممممممم
سؤال صعععب دا يانونة

بصي هو أتمنى إني أكون بصحبة الحبيب صلى الله عليه وسلم
وبعد صحبته ورؤية المولى عز وجل
وكدا

الأمنيات بقى العبيطة يعني

وأول أمنية عبيطة ليا
إني عايزة ألعب مع نفسي وأنا صغيرة
يعني ربنا يجيبلي أنا وأنا صغيرة كدا كأنها واحدة تانية وألعب معاها
هههههههههههههههههههههههه

********
حاسس أو حاسة
إن رمضان السنة دي غير فيك حاجة
أو حسيت باختلاف
وهل حققت اللي كان نفسك تحققه فيه
!!!

سؤال فى الجون يادكتورة .
رمضان السنة دى جميل أوى أوى أوى ، طبعا فضل من الله ومنة .
بجد أحسن من السنة اللى فاتت كتير ، طبعا لحد دلوقتى ، لسة ربنا يستر علينا فى العشر الاواخر .
لكن فعلا ال 18 يوم اللى فاتوا غيرونى جامد جدا ، واستفدت حاجات كنت محتاجها من زمان زى :
1- ان مافيش حاجة اسمها ماقدرش أبطل معصية ، أى معصية أيا كانت درجة استهواء النفس ليها ممكن بشوية إرادة وصدق النية والقول مع الله عز وجل نبطلها بسهولة
2- انى بقالى 18 يوم مافتحتش التليفزيون خالص والحمد لله لسة بتنفس زى مانا lol!

ولسة عندى إيدين ورجلين عادى خالص زى بقية البنى آدمين ، مع إنى كنت متخيل ان أنا ممكن أموت لو ماشغلتش التليفزيون 3 أو 4 أيام ورا بعض .
3- ان سعادة الانسان فعلا فى طاعة ربنا ، وان الراحة النفسية اللى احنا كلنا بندور عليها ، بتيجى وانت واقف بين إيدين ربنا وتقوله يارب أنا بحبك ، وانك تبكى مش عشان انت خايف منه ، لا عشان انت بتحبه ، بجد بعديها بتحس انك مرتاح أوى ، وانك حققت الحاجة اللى الناس بتقضى حياتها كلها تدور عليها وفى الآخر مابتلاقيهاش .
4- ان مافيش حجة اسمها أقعد ف البيت وأنام عشان أنا صايم ، بالعكس الصيام ده معين على المل ، وانا شخصيا بذلت مجهود فى رمضان - سفر للكلية و سفر للكورس و عمل مشاريع فى بلدنا وقراية و قرآن - أضعاف أضعاف الجهد اللى بذلته طول الأجازة ، والحمد لله بحس بمتعة وأنا بفطر المغرب لأنى بحس إنى أنجزت وإن أنا كده صمت فعلا .
5- رمضان علمنى حاجة مهمة أوى برضه وهى إنى أبقى قليل الكلام كثير العمل ،طبعا ماعدا فى اجتماعات أسرة النور والجمعية العلمية lol!

، أنا بكلم فى الحياة عموما ، لأن رمضان علمنى ان أنا وقتى مهم أوى وانه أهم بكتير من إنى أضيعه فى كلام مالوش لازمة .
********
دى بعض الحاجات اللى رمضان غيرها فيا أو علمهانى لكن تبقى فى النهاية حقيقة أنه إن لم يعتقنى الله من النار فى رمضان هذا ، فلا فائدة ترجى من كل ماذكرته ، فكم من أناس عرفوا طريق الجنة لكنهم فى النار . عافانا الله وإياكم
أسال الله لى ولكم الهداية والعتق من النيران ، والله أسال أن يبلغنى وإياكم ليلة القدر اللهم آمين .
********
لن أسال سؤالا جديدا بل سأترك سؤال النجمة الصامدة مستمرا حتى يجيب عنه الجميع ، فهذا السؤال من الأهمية بمكان .
دمتم بألف خير

ما شاء الله يا د/ عبد الرحمن ... جزاك الله كل الخير وأكرمك ومنّ عليك من فضله وكرمه..وزااااااااااادك !!!!
وربناااااااااااااااا يكرمك بجد أيتها النجمة... سؤاااااااااااااال رائع - في الوقت المناسب -
بسم الله الرحمن الرحيم
شهر رمضان هذه السنة -بالنسبة إليّ- غير ما عهدته، بصرااحة أشعر بمرور الوقت سراعا، يذهب اليوم تلو اليوم ، لا أشعر ببركة ِ في الوقت ...ربما لأني تقريبا دائمة الجلووووووس في البيت - لا أدري حقا-
ولكني تعلمت أشياءً كثر .... منها
1- الصبر والصمود وشق الطريق آملا في عون الله ونصره ( ويبقى الأمل والإيمان هو سلاحك حتى وإن بقيت وحيدا )....
2- إن قسمت وقتك - نلت مبتغاك - ، والسرعة في أداء العمل وإتقانه هما سر نجاحه..( رغم شعوري أن الوقت يقل في البركة )
3- كنت أتابع أخبار أسرتنا تقريبا كل يوم مع د/ كوفل ... وكانت الحمد لله أخبار ساره جدا جدا .. زي د/ عبد الرحمن ما هو حاسس كده !!!، بس الحمد لله عرفت المرة اللي فاتت إنها غيمت وكادت أن تمطر...ههههههههههه - كان أجمل اجتماع الحمد لله -
...وأجمل ما كان آخر الاجتماع كما علمت هو تصفية النفس وكان شيئا فريدا ينقي ما في الصدور
وقد كنت الحمد لله فعلت هذا مسبقا مع إخوتي رغم بعض توافه الأمور التي اثاقلت في نفوسنا...ولكن فعلا الله غفور رحيم ، مسااااااامح عليم ؟؟؟
4-من أحب الأشياء أيضا جلوسي مع أقاربي وتبادل الأحاديث التي تثلج الصدر، وأيضا زيارة المريض ووده
5- برنامج الأستاذ / عمرو خالد غير في فكري وفي حاجاااااااااات كثير فيّ ، ربنا يباركله ويكرمه
6- لا أستطيع أن أصف اللحظات التي تكون فيها مع المعية الإلهية ، تشكوه ، ترجوه ، تشكره ، تلوم نفسك وتعاتبها في حضرته المهيبة ...تطلب منه ، تأمل فيه وفي عفوه ،،،، ماذا أقول ..
حلاوة هذا طراوة في القلب ، مذهبة للغم والحزن ، فالحمد لله يا ربي أنك إلهنا ، تعاليت شأنا ومقامة0..0 - آمل من الله أن أزيد في هذا كما كنت .هييييييييييييييييييييييييه ،، الحمد لله
7-كيف تغلب نفسك وشهوتها ؟؟؟، كيف تتلذذ في العباده ؟؟ ، كيف تكون إنسانا ناجحا ..؟؟ دروس تعلمتها من عدة مشايخ حفظهم الله
______________________

أكثر حاجة اضايقت منها في شهر رمضان من نفسي :
1 نومي الكثيييييييير ، وكسل رهيييييب وده من كثر الزهق..
2- بعض الأمور التي طرأت ، غيمت على الجو عامة ، فكنت أتكلم عن غيري ، مع أن هذا ليس من طبعي ولا أحب هذا على الإطلاق ، سامحني الله على ما فات !!!
3- إثر هذا كنت عصبية قليلا ، مشدودة متوترة ، مشتت تفكيري ، تركيزي كان قليل في الصلاة ، سامحني الله ، ولكن وما أدراك ما انشغال البال وتوابعه ...عافاكم الله وهذبني ونفسي
4- أكثر اجتماع زعلت عليه إن أنا ما حضرتوش هو الاجتماع الأخير ...لكن اللي فاتوا كان عندي إحساس وحش منهم - والحمد لله إن أنا ما حضرتش-
5- اكتشفت إن أنا نقطة ، بل أصغر منها ، - يجب عليّ أن أعلا بنفسي وأرقى بها - فهناك من سيقوني -وهم أصغر مني بأشواط وأميال
فاللهم إني أسألك الرضا حتى ترضا ... اللهم إني أسألك أن تنزع ما في صدري غلا للذين آمنوا ، فإنك يا ربي غفور رحيم
اللهم إني أسألك علما طيبا وعملا متقبلا وعتقا من النار في المحيا والممات ، واجعلنا من الذين يحسنون فيبدعون ويصنعون فيقولون - فلنري الله فيما نصنع غدا-،، اللهم اجعلني من الذين يشربون من حوض النبي شربة هنيئة لا نظمأ بعدها أبدا ..واجعلنا من أحسن الناس اتباعا له ولسنته ، مخافة مقتك وغضبك ، فإنه حبييك الأبدي..
اللهم زكي نفسي أنت خير من زكاها أنت وليها ومولاها..وصلي اللهم على سيدنا محمد وعلى آله وصحبه وسلم ...
و..... أسألكم الدعااااااااء الجم ... إخواني وأخواتي الأفاضل...طبتم وطاب رمضانكم جميعا ...
لعل العشر الأواخر - أسأل الله أن يذيقني حلاوتها - شيئا يداوي بعضا من آلام تقصيري وسهوي..

لكم جزيييل الشكر والعرفان يا إخوتي الكرام

طيب بما ان السؤال الى انا كنت حاطه ماتجاوبش فنشوف سؤال تانى ...
إيه رأيك فى نفسك ؟ هل انت إنسان ناجح ولا فاشل ؟ وليه ؟

طيب بما ان السؤال اللى انا كنت حطه عشان السؤال اللى قبله ماتجاوبش ، ماتجاوبش هو كمان
أنا أتوقف عن إعطاء الاسئلة ، الا أن يقضى الله أمرا كان مفعولا
lol!

ما تزعلش يا عم عبدو
انا هارد علي سؤالك
بص يا عمي
هو مافيش واحد في الدنيا يقدر يقيم هو ناجح ولا لأ
لانه بيبص لنفسه من اتجاه واحد بس
و عشان تقدر تحكم علي اي حاجة ناجحة ولا لأ لازم تبص عليها من بره عشان تشوف كل جوانبها
فأي واحد فينا اكيد شايف نفسه ناجح في حاجات و مقصر في حاجات( معلش مش عاجباني كلمة فاشل )
وسبب التقصير عادة بيبقي خارج عن ارادته او مجرد قلة عزيمة

سؤالي القادم
انت كان نفسك تبقي ايه و انت صغير؟
و لو انت مش كده دلوقتي ايه اللي السبب؟

كان نفسي ابقى سفير

احساسي من زمان ان هم بشاوات

بيركبو عربيات فخمه...بيلبسو بدل علطوول.... و ناس معاهم حصانه
ما بيقفوش في كماين مرور...و بيسافرو بره علطووول كل سنتين تلاته ف بلد

بس الكوسا .....زالكوووووسا

قالولي ان انت ممكن ف اقتصاد و علوم سياسيه ممكن بعدها امين مخزن او موظف ف دار المحفوظات

فخش اسنان احسن
وبعدين خش الامتحان التأهيلي عشان تبقى ملحق

و الدنيا تلاهي

قولي ياللي جاي
شايف حاتك دلوقتي احسن و لا لو كنت اخترت كليه تانيه؟؟

لا بصراحة كدا حلو أوي

رغم ان الكلية ولامؤاخذة يعني غلسة ومرهقة جدا

بس انا حاليا مش متخيلة نفسي غير دكتورة اسنان

الرضا نعمة يا ولاد
>>> تيتة جهاد

ههههههههههههه

معلش نسيت احط سؤال

وسؤالي يقول

كل واحد بتمر عليه أوقات بيحتل تفكيره موضوع او بيسيطر عليه احساس معين

ايه اكتر موضوع شاغل تفكيرك الفترة دي او اكتر احساس مسيطر عليك
!!!

ان انا عايز اطفش من البلد دي

زحمه فوضى تهريج كوسا زباله ف الشوارع زباله ف قلوب الناس حتى

غش تزوير حتى من الناس اللي الواحد كان فاكرهم قدوة و شخصياتهم راقيه و ناس محترمه
يا خرابيييييي

طلعوا مهزئين اخر مسخره وبيدعوا الايمان و التقوى و هم نصابين
فلو قعدت فيها مش هاعرف اصلحها فانا انفد بجلدي احسن ما ابوظ انا كمان

سؤالي بقى انتو من فكري و لا من فكر الاعداء اللي شايفين انهم ممكن يصلحوا البلد دي و يعدلوا البوظان اللي في الناس؟؟؟؟؟؟

ان انا عايز اطفش من البلد دي

زحمه فوضى تهريج كوسا زباله ف الشوارع زباله ف قلوب الناس حتى

غش تزوير حتى من الناس اللي الواحد كان فاكرهم قدوة و شخصياتهم راقيه و ناس محترمه
يا خرابيييييي

طلعوا مهزئين اخر مسخره وبيدعوا الايمان و التقوى و هم نصابين
فلو قعدت فيها مش هاعرف اصلحها فانا انفد بجلدي احسن ما ابوظ انا كمان

سؤالي بقى انتو من فكري و لا من فكر الاعداء اللي شايفين انهم ممكن يصلحوا البلد دي و يعدلوا البوظان اللي في الناس؟؟؟؟؟؟

يا اهلا يا اهلا
الصراحة انا مع فكرة ان البلد دى هتتصلح
معاك حق فى كل اللى قولته بس ما انا هخاف على نفسى وامشى وغيرى هيخاف على نفسه ويمشى وفجأة نلاقى البلد كلها مش موجودة
الحال مش هيتصلح فى يوم وليلة وهى طبعا حاجة تخنق بس لما انا احاول وحضرتك تحاول الحال هيتصلح
سؤالى للى بعدى؟
ايه اكتر حاجة بتحب تعملها فى حياتك؟

أكتر حاجة بحب أعملها فى حياتى 3حاجات :
أول حاجة هى انى أقعد أألف قصة ، وإنى أندمج جدا فى شخصية البطل وأقعد اتخيل الأحداث كأنها بتحصلى بجد ، بحس بسعادة كبيرة أوى عشان كده معظم القصص اللى ألفتها البطل فيها بيبقى قريب من شخصيتى شوية ....
تانى حاجة انى آخد "هنا" فى حضنى وأتمشى بيها ، "هنا " عندها شهرين وبجد من أجمل الأطفال اللى شفتهم فى حياتى ، وأنا شايلها بحس إن أنا فى عالم تانى ، بحس انى بقيت فى عالم نضيف كله براءة وحب ، بس برجع للعالم الواقعى بمجرد انى أديها لمامتها ... ربنا يبارك فيها ويحفظها وينبتها نباتا حسنا اللهم آمين
الحاجة التالتة دى سر بقى ....
****************
سؤالى للى بعدى
مين أقرب واحد ليك ؟ اللى ماتقدرش تتخيل حياتك من غيره ؟
السؤال ده واقعى يعنى اللى يجاوب يقول شخص ، مايقولش بقى الزوج المنتظر والزوجة المستقبلية والكلام اللى مابياكلش معانا ده lol!

يلا صدعتكم

هما اتنين (أمي و أختي)
سؤالى بقى للى بعدى
ايه اللى رماك على المر يووووو اقصد ايه اللى جابك كلية طب الاسنان؟

امممممممممممممممممم
بصراحه ده كان حلمي من ايام الطفوله البريئه
يعني من ايام زمااااااااااااااااااااان
مكتش اعرف بقا
بس انا ورغم كل ما حدث وما يحدث وما سيزال يحدث في كليتنا
بحبهاااااااااااااااااااا

سؤالي هو
بايهما تفخر اكتر
بكونك مصري ام
بكونك عربي
؟؟؟؟؟؟؟؟؟؟؟؟؟؟؟؟؟؟؟؟

أفخر بكونى مسلم
******
أوباما رئيسا لأمريكا ، هلى هذا شيئ يسعدك أم يحزنك أم أنك لاتكترث لذلك ؟

توضيح بس يا عبد الرحمن
انا بقارن بين العروبه و المصريه
اكيد كلنا بنفخر بكوننا مسلمين
الحمد لله ان خلقنا مسلمين

اوباما رئيس لامريكا
هو مش مسئله يسعدني او يحزنني او اني لا اكترث
هو مساله انه لافرق بين اوباما و بوش و ماكيين
كلهم سواء
كلهم ينفذون استراتيجيه واحده
هي الحرب على المسلمين
والعدوان عليهم وعلى ممتلكاتهم
وتشويه صوره الاسلام والمسلمين بكل السبل
والحرص دوما على ايجاد المشاكل ف الامه الاسلاميه

معلش نسيت اسال
هل صادفت يوما شخصيه عابره
اثرت في مجرى حياتك
؟؟؟؟؟؟؟؟؟؟؟؟؟؟؟؟

آه
سؤالي هو
هل انت راضي عن نفسك؟

هل انت راضي عن نفسك؟
لا انا مش راضيه عن نفسي خالص ونفسي اتحسن واعمل حاجات ترضي ربنا

السؤال :هل تؤمن بوجود صداقه بين ولد وبنت؟