اسأل اللى بعدك

السلام عليكم
أولا منورة المنتدى على الآخر ، واخيرا وبعد طول انتظار اسال الله عز وجل أن يجعل عودتك كالعادة قوية ..
*********
بالنسبة للسؤال
من ناحية تنظيم الوقت ، فانا من أول ماقعدت فى طنطا ، وأنا الحمد لله بنظم وقتى جدا ، مش عشان أنا ما حصلتش ، بس لأنه مجبر أخاك لا بطل أنا بعمل ايه :
- بروح الكلية ، وبحضر كل حاجة الحمد لله ..
- برجع من الكلية أنام شوية لو معنديش حاجات مهمة أعملها ، لو عندى ببخلصها ، طبعا حاجات برة الدراسة
- أصحى آكل الأكلة الوحيدة اللى باكلها فى اليوم كله ، يعينى عليا والله

- أقعد أذاكر بقى ساعتين تقريبا
- أقعد أقرا شوية فى الكتاب اللى بقرا فيه
- وبعدين أنام ، لأستقبل يوما جديدا
طبعا أكتر حاجة بتنظم لى وقتى هى الصلاة فى المسجد ، لأنى برتب نشاطات اليوم على حسب مواعيد الصلاة ، يعنى من المغرب للعشا هعمل كذا ، بعد العشا هعمل كذا ، وهكذا ...
********
أما بالنسبة لموضوع ازى اتخلص من الزهق ن فأنا من ساعة ما بقيت فى الغربة اللعينة وانا زهقان ، لأن مفيش اى وسيلة من وسائل الترفيه عن النفس خالص ، بس يمكن لما ببقى زهقان بكلم حد من الناس اللى بحبها أوى ، سواء من أسرتى أو قرايبى أو اصحابى ، يمكن بفك عن نفسى شوية ...
********
إيه الرغى ده ، أعوذ بالله
********
السؤال للى بعدى
سمعت عن حملة الفضيلة ، ايه معلوماتك عنها ، وإيه رأيك فها ؟!!

انا معرفش عنها كتير
بس شوفت البوسترز وجاتلى مسج
فكرتها حلوة جدا

سؤالى للى بعدى شايف نفسك ازاى كدكتور اسنان بعد 5 سنين وبعد 10 سنين؟

امممممممممممممممممم
ايه السؤال الصعب ده
هو بصراحه انا لما لما بلاقي وقت واسرح بخيالي
وافكر ف المستقبل كدكتوره اسنان
اول جمله بتيجي على بالي
يا ترى مين يعيش ؟؟؟؟؟؟؟
فبصراحه مش قادره اتخيل هبقا ازاي
ان عشت وكان ليا عمر ووصلت للمرحله دي


ايه اكتر حاجه حاسس انها سلبيه ف محبوبتنا "كليتنا " ونفسك تغيرها ؟؟؟؟؟؟؟؟؟

صراحه
انا لست مقتنعه تمام الاقتناع
احاول جاهده ان اقنع نفسي بها
احاول ان اعش حاله حب
اعش قصه حب لمصر
قصه حب مجنونه
احب واعشق واحيا واضحي من اجل حبي
اقوم بكل هذا
لاحيا حب
واحب حياتي
من اجل هذا اقنع نفسي بحبي لها
لكني في اغلب الامر لم افكر في مشاعري تجاهها
لم افكر اذا كنت احبها ام لا
اذا كنت اتصرف هكذا لان ذلك واجبي
ام عن حب
ام عن محاوله للحب
او محاوله للاقتناع
فكنت في حاله من اللا حب واللا كره
ولا شئ
فقط اقوم بحبها لاني سمعت ان ذلك واجبي
ولاني سمعت ايضا
اني لابد ان اقوم بواجباتي قبل البحث عن حقوقي


سؤالي هو
ايه رايكم في اللي انا قلته ده ؟ عشان انا مش عارفه

انا رأيي انانا مش مقتنع بكلامكوا
ليه
عشان انا مقتنع تماما ان لو كل انسان حب بلده هيعمل شيئ كويس ويحس بقيمته
وبالتالي لو بقي عندنا ايمان بحبنا لبلدنا واهميتنا مصر هتتغير كتيير
زي ما حصل في اليابان والصين كل واحد بدأ بنفسه

معلش نسيت اسأل
ممكن تقولي او تقوليلي
مين اكتر حد بتحبه في الصحابه وليه

سيدنا عمر بن الخطاب

الفاروق
شجاع لا يخاف في الحق لومة لائم
قوي و لكن في الحق
ضعيف امام الله و رسوله ولكنه حما المسلمين من مخاطر عدة


أسأل انا

شايف نفسك ايه حالك بعد 30 سنه من دلوقتي

انا شايف نفسي انشاء الله اللواء الدكتور محمد قريبة مدير ادارة الخدمات الطبية بالقوات المسلحة و أحد قادة هيئة اركان القوات المسلحة والناطق الرسمي باسم القوات المسلحة المصرية حاصل علي دكتوراة في زراعة الاسنان ودبلومة جراحة الوجه والفكين ودبلومة في الpuplic حاصل علي جائزة الدولة التشجيعية
والكاتب السياسي المعروف
كما اني اؤلف كتاب في الشعر
ومستشار منظمة الصحة العالمية بالشرق الاوسط وشمال وافريقيا
ورئيس مجلس ادارة جميعة المستقبل لطب الاسنان التطوعي
وطبعا طبيب اسنان مشهور

برده نسيت اسال
انا حابب نكمل سؤال الدياصتي شايف نفسك ايه بعد 30 سنة

اما انا بالنسبة ليا شايف نفسي طبيب اسنان حاصل علي المعادلة الامريكية
سافر و اشتغل و عمل لنفسه اسم كبير
غيـــــــــــــــــر متزوج لشدة انشغاله
يأتي مصر فجأة و يحاول لن ينشر ما تعلمه بالخارج و لكن لايستطيع
فيسافر مرة اخري و لا ينوي العودة
(ملحوظة) انا ما كتبتش تخصص عشان انا لسه مش عارف هيبقي ايه بالضبط


السؤال :- ليه اكتر موقف اتجرحت فيه في حياتك؟؟؟؟؟

هو يوم عادي ولا يمثل لي اي شئ فماذا يمثل لك

سؤالي اتعرفون من صاحب الصورة التي تظهر في البروفيل الخاص بي هو رجل كلنا ندين له بمعروف كبير

طبعا مش محمد نجيب لاننا لاندين لمحمد نجيب بشئ من وجهه نظري انا النت عندي سرعته 256 وياريت يفضل سؤالي مستمر

هو انا يا عبد الرحمن هرد على سؤالك
بس لو تسمح لي
هرد على السؤال الأسبق بتاعك
السؤال كان
يوم 22 مارس يمثلك ايه ؟
صراحه انا مكتش اعرف اليوم ده يمثل ايه
لفت انتباهي تلك الورقات المعلقه المنثوره ف الكليه بهذا السؤال
وسؤالك جعلني ابحث له عن اجابه
بحثت وشعرت بأشد الأسف حين عرفت الاجابه
الاجابه هي

22\3\ 1945 – تأسيس جامعة الدول العربية، وكانت تضم سبعة دول هي لبنان، مصر، السعودية، اليمن، العراق، الأردن وسوريا.

22\3\ 2004 - المقاتلات الإسرائيلية تغتال الشيخ أحمد ياسين مؤسس حركة حماس بعد أدائه صلاة الفجر في المسجد.
ما أشد أسفي حين عرفت
كيف ذكرى كهذه لا تمثل لنا شئ
لم تحزنني ذكري تأسيس جامعه الدول العربيه كثيرا
قد يكون لعدم احاساسي بقيمتها
لكن
كيف لشخص كهذا ان يرحل بلا ذكرى
بلا مجرد ان نتذكر يوم رحيله عنا
كيف لعيوننا ان تبخل بدمعوها عليه
كيف لقلوبنا الا تخفق باسمه
كيف لروحنا الا تهفو اليه
ومن اجل ذكراه
كيف لنا الا نمجده
وهو معلمنا
ومرشدنا
في الدرب الطويل
عذرا يا شيخنا عذرا


بالنسبه بقا للسؤال التاني
ماهى طريقتك لتصمد أمام المواقف الصعبة ؟!
صراحه انا لما بتحط ف موقف صعب ومبعرفش اتصرف فيه
بلجأ الى الله سبحانه وتعالى بعتمد عليه اعتماد كلي
ممكن مفكرش خالص ف حل الموقف
واكثر المواقف صعوبه في حياتي هي احلى الايام
لانها اكثر الايام التي اذكر فيها الله سبحانه وتعالى
فلا ينقطع لساني عن
لا اله الا الله محمد رسول الله ، لا اله الا انت سبحانك اني كنت من الظالمين

وبتصرف كيفما ييسر لي الله واسير في الطريق الذي يسهله ويفتحه امامي عندها

في ناس كتير مبتقتنعش بطريقتي
انا نفسي مكتش مقتنعه الا ما جربتها

سؤالي هو
هل صادفت شخص عابر في حياتك اثر فيك تاثيرا جوهريا ومحوريا ؟!!
وان كانت الاجابه نعم ، فكيف اثر فيك ؟!

عذرا يا عبد الرحمن احرجتنا واعلمتنا بتقصيرنا